[وائل 76]

و الله يا عم جو قرأته مرتين و نص ما كتير استوعبت الفكرة .. لكن تكرم علي و خدني على قد عقلي بكام نقطة بدي اطرحهم ..

هلاء يا سيدنا العزيز انتا عم تنطلق من فكرة معينة مفادها أنو الانسان وُجد على كوكب الارض و هوي بذلك بنعمة و سعادة ما الها مثيل لانو غيره من الكائنات ما لاحت إله هاي الفرصة العظيمة !! هيك أنا فهمت بداية الموضوع ، هلاء أنتا بنيت على هاي الفكرة فكرة أخرى مفادها أنو يا إنسان يلي معك فرصة اكتر من رائعة يجب أنو تستغل حياتك في المحبة و الخير و ليس الحروب و الانتقام ، تمام لهون أنا فاهم صح ؟؟

طيب هلاء أستاذي جو طبعاً أنتا بتعرف الإختلافات يلي بينا نحن البشر من ناحية الرغبات و النزعات الشعورية و الاشعورية .. يعني أنتا مثلاً رغباتك بتتجه نحو الخير و المحبة و وقت تعمل خير و محبة و الناس تذكرك بالخير بتكون وصلت لأسمى مرحلة ممكنة من اشباع هاي الرغبات , لكن !! أنا قد أكون بعكسك تماماً و قد تكون تركيبتي السيكولوجية و تربيتي و إدراكي و كل شي بيتحكم بسلوكي سواء كان شعوري او لا شعوري بيتجه نحو الدمار و الهلاك . يعني وقت انا بشوف الدمار حولي بيكون ذلك إشباع للرغبات الكامنة داخلي .

إذن الفرصة يلي أنتا تحدثت عنها على انها تمثل واحد على مابعرف كام مليون ما بتوصلنا الى انو كلنا نحب الخير . مع إتفاقنا المبدئي انا الفرصة هاي شي كتير رائع بالنسبة إلنا جميعاً و لكن اتفاقنا هذا لا يعني مطلقاً أنو نتفق بالنزعات و الرغبات !!!

هلاء نقطة تانية لو بتسمحلي اخي جو ، أنو الحياة حلوة بس نفهمها ، صح مليار بالمية و متفق لكن !! هلاء أنا بدي خطط حياتي بشكل يحقق الي الإشباع الكامل حتى أستغل الفرصة الذهبية التي لاحت لي و لم توهب لغيري يلي هما بالملايين ، طيب هل أنا بضمن أنو هلاء و أنا رايح أشتري سجاير من السوبر ماركت ما تضربني سيارة و أموت ، إذن الفرصة الذهبية طلعت بالأخر مقلب كبيررررررر كتيرررررر و بحسابات المنطق و العقل كان من الأفضل أنو هالفرصة ما تيجي لانو ما عملت شي غير الحلم بتحقيق و اشباع كامل للرغبات . اضف طبعاً ما يتسبب به موتي من عذاب لأشخاص مرتبطين فيا !!

نفس الحكم بدنا نطبقه على الجماعة يلي ماكلين خرى بالحياة ، يعني هلاء أخونا يلي عايش بالصومال ما ملاقي ياكل و لا في بيت يآويه كيف بيقدر يعمل إشباع و يستغل هالفرصة !!!
بعتقد أنو بحساباتك هاي بيكون أجدى لهاد الإنسان يلي ماكل زفت انو لو ما إجت هاي الفرصة الذهبية إله كان افضل بكتيررررر اله لانو انوجد فقط كي يرى الآخرين و هم يستمتعون و يشبعون رغباتهم و هو لا يملك حول ولا قوة ..

أسف جو للإطالة بس حبيت ناقش بكذا فكرة . .

في نقطة صغيرة ما بعرف لو إلها علاقة بالموضوع ولا لاء .. أنو من كذا يوم قرأت خبر حول أنو تم رصد كوكب في مجرة مجاورة لدرب التبانة و هالكوكب مشابه كتيرر لكوكب الأرض يحتوي على بحار و محيطات و درجة حرارته متوسطها 40 درجة مئوية و يعتقد العلماء أنو الحياة متوفرة في هذا الكوكب . طبعاً تم رصده من خلال تلسكوب في قاعدة بألمانيا و راح حاول أبحث عن الخبر و ارفقه هون لو بتريد ..

تحياتي جو و أرجو أن يتسع صدرك لمشاركتي