 يعني... حلو الموضوع...
هلأ... وأنا حزينة....
إزا كان حزني حزن ناتج عن إحساسات متراكمة ومو ناتج عن صدمة... بيكون ردة فعلي كالآتي...
يا إما....
بفضل إمشي..لأنه المشي بينقيني من الحزن العميق.. بدحش سماعات هال Baladeur أو Walkman بإدنيي وبمشي وبمشي وبمشي على أد ما الله عطاني... بحس إني بدي إفصل حالي عن الجو الخارجي وركز على حالي من جوا... بفكر وبتأمل بالشي يلي مخليني أحزن... يمكن ما لائيلو حل... بس بالأليلة عن جد بكون خففت عن حالي.. بوصل البيت منتهية تماما... باخدلي Douche وبحط راسي ع المخدة وبنام...
أو إني بحبس حالي بغرفتي على أد ما الله عطاني وبسمع أغاني حزينة... بئعد عند الشباك وبتأمل الناس والشوارع والحياة... 
في حالة تانية..
وهية وأت بيكون حزني ناتج عن صدمة....
برجع عالبيت.... بنام وبنام وبنام وبنام...وبفيئ... وبرجع بنام...
طبعا أهلي بيعرفو إنه في شي كتير فظيع وأت بنام بعد الظهر...
وبكل الحالات بئطع أي عملية استئبال أو إرسال ما بحب إحكي ولا حدن يحاكيني "خلوني بهمي"
إزا معصبة... بحاول بعد عن كل الخلئ... وإزا ما فيني بعّد... بلتزم الصمت المطلق...وما بحب حدن يحاكيني لإني وأنا معصبة بخاف إحكي تفلت من لساني كلمة جارحة من هون ولا من هون... أوم إعلئ بزيادة.. بس إزا كان في حدى أريب مني ممكن حاكيه وإشكيله همي...
ميرسي على الموضوع الحلو
Let the rain come down and wash away my tears
Let it fill my soul and drown my fears
Let it shatter the walls for a new sun
|