[sandra]

كاتب النص الأصلي : kosayka2

لا بس الفكرة من الشخص تبع الــ "انا هيك " انو شخص لا يقبل النقد ابدا
و لا يقبل الأشارة اليه بأي نوع من انواع الغلط

بس ينكر انو شخص متل هيك ممكن انو يكون كتير قوي
و على الأغلب كل الكبار و الأقواياء ( يلي ماسكين الحياة عنا )
كلهون من نوع انا هيك و النوع الذي لا يقبل النقد ابدا

هلا قصي... حط عينك بعيني
مين من العالم بتتقبل النقد بطريقة مثالية
في ناس بالظاهر بتتقبل النقد بس بعدين ما بتعمل غير يلي براسها وناس ما بتتقبل النقد بالظاهر لكنها لما بتختلي بذاتها بتراجع حساباتها لكن ما بتقبل تعترف عالعلن بأنها غلطت
أنا ما بشوف الشخص من عيار "أنا هيك" هو متل ما عم تحكو
شخصية "أنا هيك" بمحتمعنا هي شخصية فقعت من مداراة ومسايرة الآخرين
مثلاً أنا هيك بحب البس ... مش مضطرة ساير الموضة الدارجة مشان أكسب رضى المحيط ولو على حساب زوقي الشخصي ..
بعدين بخصوص الميل نحو الانعزالية هي نتيجة طبيعية لتغيير الحياة ولزيادة ساعات العمل وكل المجتمعات عم تميل نحو هالأمر فيك تقول هي ضريبة التطور متل ما بيقولو

اذا نظرنا للغرب نجد ان تقليدنا جدا فاشل لهم فهم كانوا يمتازون بعدم الأجتماعية و لكنهم الأن يسعون لها بعكسنا تماما فنحن كنا نمتاز بالأجتماعية اما الأن فنحن نتجه للأنعازالية

أنا ما عم شوف بالغرب يلي أنت عم تقولو بس على كل حال يا سيدي أنا وحدة من الاشخاص يلي ما عندي مشكلة تخف ظاهرة "الاجتماعية" متل ما عم نسميها لأني بشوفها مش اجتماعية وإنما كترة غلبة وعدم احترام لخصوصيتك كفرد
بدك تساير الكل وباب بيتك لازم يكون مفتوح للكل وبأي وقت مش مهم إن كنت قادر تستقبل ولا لا .. وتتحمل حشرية الجار والقريب والغريب يلي بيتدخلو بأمور ما بتعنيهم وغالباً الناس عنا ما بتقدر تدرك حدودا ولا بتحترم خصوصيات غيرها
فإذا بتخف هالشغلات أنا أشجع هالأمر جداً وجداً بس طبعاً ما بريد نصل لمرحلة أننا ما نسلم على جارنا ونفقد الروابط الإجتماعية مع العيلة والرفقا ...
وشكراً للموضوع الحلو