[oliver68]

كاتب النص الأصلي : رقي

لست معك فيما تقول أبداً..

السيد الرئيس بشار الأسد لا يقمع شعبه ..بل العكس..فهو يريد أن يرتقي بمستوى معيشته..

ويبدو أن دخلت في الموضع الخطأ..فهل موقعكم هذا معارضة..؟ إن كذلك فلست معكم لأني أرى ماترون ..والبداية ليست مبشرة بخير..فأنتم تكتبون باللهجة المحلية وكأنكم ندعون إلى موت الفصحى..

أرجو أن نكون منصفين قليلاً..
المساحات الواسعة من الحرية الفكرية والسياسة في سورية كبيرة جداً ..
والماضي القريب شاهد على ذلك.. حين كنتم صموتاً ى تتكلمون.

وشكراً.

أما شو لايقمع، لا يقمع بنوووووووب، لسا مبارح، مبارح هه، كنت بهايد بارك دمشق عمبنتقد الرئيس، و بمجرد ما خلصت بعتلي شباب مخصوص مشان ياخدوني لعندو، أما شو شباب، طول بعرض، و قباضاياااااااااااااات، ما خلو شي إلا ما ضيفوني ياه، إييييييييييه، أما شو استضافة، غلبوا حاتم طي، و هوي يا حرام عميرتقي بمستوى شعبو، يعني الواحد يحكي ضميرو، الأسبوع الماضي الحارة تبعتنا كلها ترقت، يعني بيوم و ليلة كل أهل الحارة ارتفعت رواتبن خمس أضعاف، و أهدى سيادتو لكل مواطن شبحة من يللي بتعجبك، و صار عنا انفتاح عالقنوات الفضائية، إي انفتاح، من هادا يللي حكا عنو سمسوم.
حبيبي إنتي ما عمبتشوف يللي عمنشوفو، فهي مشكلتك، بجوز بدك زيارة لدكتور العيون.
و مشان الفصحى يا غالي، بهي معك حق، لقد أثبت لي بأني ترهة، و أني عميل امبريالي و لا أطبق مبادىء الحزب و الثورة، و أمشي باتجاه التيار المعادي لأمتنا الحبيبة، و أرمي وراء ظهري قضايا الشعوب العادلة، و أنسى معانات إخواننا في فلسطين و نيكاراغوا و البوسنة و الهرسك، عميل أنا، مدسوس امبريالي.
بدك الحقيقة، أنا ماني مقدر النعمة يللي عايش فيها، مساحة الحرية عنا كبيرة كتييييييييييير، الله وكيلك آخدين دنمين عطريق المطار، و رغم هيك ما عاجبتني المساحات الواسعة من الحريات، مو وش نعمة أنا، مدري ليش؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟