هو مفهوم السعادة شبة مستحيل انو ينحصر ويتحدد هون .. اكبر بكتير من انك تقيّدو بالكلمات ..
اقتباس:
وفق مفهومي .. "إن لم تستطع بلوغ السعادة لوحدك .. فأنت في وضع لاتحسد عليه ...
لو كنت من الناس الذين ينتظرون الآخرين لتحقيق السعادة ... فمن الممكن أن يطول بك الإنتظار للأبد ...
|
كيف يعني؟
انا بخالفك الرأي هون،
طبيعي انك ما لازم تنتظر العالم لتحققلك سعادتك .. واكيد انو الانسان لازم يعرف شو بدو لحتى يقدر يحققو ويكون سعيد ،
بس مافيك تنكر انو السعادة بتتكون من عدة عوامل ومن كتير مركبات وما بتتعلق بس بالفرد نفسو .. وانما كمان بمحيطو وبيئتو .. وكون هالبيئة بتشمل بداخلها ناس اخرين فمن الطبيعي جدا انو سعادتنا بكتير احيان تكون متعلقه باشخاص غيرنا ..
اقتباس:
السعادة ليست المال ... ليست السلطة ...
السعادة بنظري .. حرية ... سعادة داخلية .. ان تشعر بالسلم .. ان تشعر بأنك دون هموم حقيقية ..
السعادة ... بالوصول إلى حب حقيقي ... خال من الكذب .. والأمور الأرضية التي تشوبه ..
بنظري السعادة .. هي أن تحصل على صديق بحق ..
الكثيرون ... يداومون على المقولة ... "حياة بائسة ... إنني تعيس ... حياتي فاشلة ... "
لماذا ... ماذا لو كنت كأطفال غزة .. ماذا لو كنت كأطفال العراق ..
ماذا لوكنت من أه إفريقيا الذين يحلمون بشيء من السعادة ..
دوماً ... نسعى إلى مابعد السعادة ...
لانرضى بالقليل ... ننسى أن هناك أشخاصاً يحلمون بمالايرضى جزءاً من مطامعنا ...
طالما الصحة موجودة ... والحال مستورة ... لما الهم والغم ...
|
وكمان هون كتير بختلف معك،
هاد مفهوم السعادة بنظرك وبالنسبة الك ،
بس تع ما ننسى انو السعادة نسبية وبتختلف من شخص لآخر وازا انت بتشوف السعادة بغنى النفوس غيرك ممكن يشوفها بس بالمصاري !!
بعدين غير هيك ، ولا مرة الواحد بيقارن نفسو بالأسوأ ..
يعني ازا عم يصير هيك بغزة او بالعراق او مدري وين ، لازم اقتنع انا بواقعي حتى لو ما كنت سعيدة؟ لازم اقنع حالي باني سعيدة لانو غيري حالتو ابشع من حالي؟
الانسان ما بيتقدم وما بيسعد وما بيرضى عن حالو الا ازا تطلع لفوق .. وكل واحد بيتطلع لتحت بيضل تحت !!
موضوع حلو
