[باشق مجروح]

البداية من لبنان مع الفنانة دينا حايك..
الاغنية : درب الهوا / ربيع عام الـ 2006.
(( تتكلم الاغنية عن الحب الشديد الذي كان يجمع الفتاة بشاب وهذا الحب تبدد و حكم عليه بالاعدام . وتنتقل الاغنية للمقارنة بين الحب سابقاً وفي هذا الزمن . والجرح الذي اصاب قلبها بعد هذا الحب .. تعابير الاغنية رائعة جداً وكلماتها مميزة بحق تستحق التأمل )).

كلمات الاغنية :

كان العمر كلو صفا كنا سوا ليل وسهر
والنور عم يمشي حفا ويفارق غصون الشجر.
.
انت وانا ونسمة جفا هبت على الحلم انكسر
قنديل هالليل انطفى وين القمر ما في قمر.
.
يا شوق يا حرامي الغفا يا مرخص دموع البشر
يا حب لمحة واختفى ما عاد شفتلو اثر.
.
يا برد عم يلغى الدفا يا دموع عم تمحي الصور
حكمة وما كنا نعرفا انو القدر هوي القدر.

شو صعب يا درب الهوا يا زارع بقلبي التعب
مش هم ما عدنا سوا ولا هم نبرم ع السبب
المهم من بعد الغرق ننسى العذاب الي مرق
بعدك يا قلبي الي احترق مغروم حرقة باللهب

من وقت ما الكون ابتدى كانو تنين بهالدني
وما كان في غيرون حدا وما ينطفي الحب الهني.
.
قلبون على الشوق اهتدى صارت سنة تسرق سنة
تا صار يوسع هالمدى والبعد يكبر بالدني.
.
واليوم صرنا ع الهدى نحرق حياة مزينة
ما ضل بالوردة ندى ولا في غصن عم ينحني
وبقيت وحدي ما عدا احلام عمر الولدني
لا صوت حتى ولا صدى ينده ويسأل شو بني.



شو صعب يا درب الهوا يا زارع بقلبي التعب
مش هم ما عدنا سوا ولا هم نبرم ع السبب
المهم من بعد الغرق ننسى العذاب الي مرق
بعدك يا قلبي الي احترق مغروم حرقة باللهب

داونلود :

click here

يتبع >>>