[رضوان ابو فخر]

كاتب النص الأصلي : whiterose

بالعكس رضوان والموضوع حلو وانا قرأته مرتين

بس متل ماقالتلك ساندرا علم النفس زباينه قلال

وانا كنت منم بس يعود الفضل للبكالوريا الأدبي وللأستاذ الفضيل يلي درسني هي المادة
خلاني اهتم كتير بالفلسفة بشكل عام وعلم النفس بشكل خاص

وكان حلمي ادخل تربية وعلم نفس بس مامشي الحال

طولت عليكم المهم موضوعك حلو رضوان

وايت روز
انشالله بوجود أعضاء مثلكن بيكثروا قراء علم النفس بالمنتدى
ومنشان ما درست علم نفس , لا تندمي أبد, مو لأنه مو منيح
بس لأن من فرضيات البرمجة العصبية : ما نندم لأن وقت أخذت قرارك
حول نوع الدراسة , اخترت أفضل الخيارات المتاحة أمامك.

كاتب النص الأصلي : Damask Rose

شكرا كتير عالمعلومات.....
ولسا بكون احلى لو تكتب للاعضاء اسم اهم الكتب الي بتحكي بالموضوع
تقبل مروري

على عيني داماسك روز , رح حضر احلى قائمة مراجع
وموثقة باسم المؤلف ودار النشر وسنة الإصدار
اقتراحك مكانه تماما

كاتب النص الأصلي : Nay

كتير حللو رضوان.. الحقيقة انو المعلومات مرت عليي من قبل بس ماكنت بعرف ابدا انو بتندرج تحت علم متكامل.. يعني صار فيي متل اللي لقى شغلة جديدة كتير عليه.. وانت رح تكون سبب بزيادة معلوماتي عن هادا الموضوع..
وبانتظار التقنيات اللي حكيت عنها..
تحياتي

هلا ناي
ما تتصوري هاي العلم قديش قفز بسرعة
من ثلاثين سنة بس وهناك آلاف الكتب فيه
ويكفي تعملي بحث بغوغول ( عربي أو انكليزي) لتعرفي صحة كلامي
وعن التقنيات يومين ,ويكون جاهز

كاتب النص الأصلي : يا نااااس

ازا بتحبي تتزودي
بنصحك بكتب ومحاضرات
الدكتور والمحاضر العالمي د.ابراهيم الفقي
اسلوبو كتير حلو ومبسط وسهل

كلامك صح , د.ابراهيم الفقي الو كتب بالمجال ومثل ما قاتي مبسطة
وبضيف شغلة انه مبسطها زيادة عن اللزوم ودائما يكرر نفس المعلومات
غير هيك يعطيها بالقطارة , وأسعار كتبه غالية(يعني مو نسيان التجارة)

هامش : أكيد ما نسيت اتشكر مروركن الحلو
وساندرا شكرا , وإذا جيبتك كبيرة رح نحط مع فرويد(يونغ وادلر )هههه