[personita]

في الحقيقة، الموضوع جد شائك و معقد.
أنا بحكم عملي، بتعامل مع الهجرة بصفة يومية، و بيحز كتير فيني لأنو معظمهم من بلدي أو من الجزائر أو من افريقيا السوداء.. يمكن ما بيهمّ كتير الأصل من وين، بالنهاية كلنا متساوين في الإنسانية، بس الحالات اللي عاينتها و للأسف تعودت اني اشوفها لأنو صار جزء من روتيني اليومي، كتير بتخلي الواحد يشك في ها المبدأ
فعلا احنا متساوين في البشرية؟ لما بيصل شخص في قارب، بيكون نجا من الموت بأعجوبة، بيجسد مأساة إنسانية بكل ما في الكلمة من معنى و بتتعامل معاه على أنو رقم، بيكون متساوي معك في البشرية؟ لما بتكون بدك بس تخلص الإجراءات لترجعو على بلدو في أقرب وقت ممكن، و في نفس الوقت متحسر على برنامج الويكند تبعك، لأنو وصول القوارب خرب لك اياه، بتكون بتفكر في "إنسانية" ها الإنسان؟
بحكي من وجهة نظر جد ذاتية طبعا، لأنو مثل ما الطبيب ما بيخلي عملو يأثر على حياتو الخاصة، و مثل ما اللي عم يشتغل في إدارة ما بياخذ معو الشغل البيت، كذلك البقية. بس للأسف، الهجرة صايرة "سوق" و الكل عم يتاجر فيها، و بحكي عن خبرة و دراية بالموضوع: المنظمات غير الحكومية المهتمة بالهجرة مثلا، بتقوم بدور مهم و بتقدم خدمات للمهاجر، بس هذا ما بينفي أنها بتشحذ من ورا المهاجر و بتحصل على تمويل باسم مشكل الهجرة. المحامين، و سمعت شخصيا اعترافات منهم بيحكولك انو "مشروع القوارب" جد مجدي، ليش؟ لأنو القانون بيجبر على توفير الاستشارة القانونية لأي شخص يمثل أمام القضاء، بشكل مجاني إذا ما بيقدر يدفع حقها، و بالتالي بالنسبة للمهاجرين اللي بيصلو بهاي الطريقة، دايما القانون بيوفرلهم محامي (اللي ما بيعمل و لاشي نهائيا غير انو بيحضر) وبيتقاضى أجر (75يورو) عن كل شخص حضر عنو! و قِس على ذلك..
طبعا الموضوع مانو سهل، وقبل ما نعتب على البلد المستقبِل للهجرة، بدنا نشوف شو عمل منشان أهلو البلد اللي عم يهربو ناسو منو !