بدي أسبح
طبعا مع قدوم الصيف
وبدأ أشعة الشمس بأرتفاع حرارتها
أو بيجوز ميزان الحرارة ما بقى يتحمل الأشعة الزايدة
أتضحلي ما يلي
أني لازمني مسبح
وطبعا مو أي مسبح
فالمسبح لازم يكون مفلتر ونضيف وجو حلو وأكلة هنية وخدمة 6 نجوم
وقبل ما أقرر بالموضوع عملت دراسة تمحيصية للبوكيت موني الي معي
طبعا بتقدروا تسموها خرج عملة
أو جزدان مصاري
وبالمصري كوزدان فلوس
المهم
حاولت بشتى الوسائل والطرق أني أرشف وأستقصد مصروفاتي الثانوية والي بطعمة وبلا طعمة وأني أحاول أجمع أشتراك المسبح
وطبعا متل ما منعرف كلياتنا أني الداعي ما بيرضى بشو ما كان
يعني بدي مسبح سوبر ستار
بقى هون في نقطة حساسة كتير كتير
بعد ما عملت شد الأحزمة على الهياكل العظمية الكاذبة لأنه الداعي ثقيل الجسد والدم
حاولت أني أصمد شوية عملة
وبعد ما جمعت شوية عملة
هون قلت ليش المسبح أروح على البحر
ومن وقت ما أجت فكرة البحر تزكرة اللودقية
قلت بركي منرجع على اللودقية على الشوطئ الأزروق ومنتسبح هونيك
وبتعرفوأجماع جميع الأطباء على أني مية البحر أفضل وصحية أكثر من مية قويق قصدي مية المسبح
وبمجرد ما تزكرت البحر قلت ليش ما بسبح بتركيا طبعا بعد دراسات أقليمية بالنسبة للأسعار
الي بيعرضوها شركاة السياحة الموجودة ببلدنا والجوارين
لاحظت ما يلي أني هنيك أرخص وأرتب وأحسن
يعني بدي ياكن تنصحوني
أينا هو أرخص
أشتراك مسبح بخمس نجوم
ولا روحة اللاذقية أو طرطوس
أو روحة إلى منتجعات تركيا
منتظر أستشاراتكم بالموضوع الساخن الي عبيبقبق براسي
تفدلوا سبحونا بأرائكم
(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
|