اقتباس:
كاتب النص الأصلي : Abu ToNi
بترجع لمدى ثقتي فيه ، وقفته فيني
انا وقت بدي اقول انه فتح عما تساند اسرائيل بحربا على غزة ولا كأني عبقول اسرائيل نظيفة جدا في نواياها بانها ما عندا ايا مشكلة مع الشعب الفلسطيني وهية والفلسطينية احباب واصحاب بس مشكلتا الرئيسية والوحيدة مع المقاومة الفلسطينية وبالتحديد مع فتح
فبيرجع خياري انا ثقتي بكلمة مين ؟! باللي محتل ارضي وعما يقتل فيني وبشعبي
ولا بالشخص اللي انا شايفه واقف ضدي بينما هوي من طرف تاني متلي متله عما يتعرض للقتل ؟! واذا ما هلق جاييه الدور فالايام جاييته !؟
|
انا قلت انو قاعدة فتح و بعض من قيادات الظل فيها ما زالت شريفة بس مغلوب على امرها, وهني اللي عم يتعرضوا متلن متل غيرن متل الفلسطينيين بس الخلاف على من لا يخجل ابدا من اعلان تحالفو مع اسرائيل , وتعتبرو اسرائيل معتدل و تتفق كل مصالحو مع المصالح الاسرائيلية
صحيح انو انا ثقتي لازم تكون بابن بلدي متل ما قلت, بس القضية متل ما بتعرف ما عادت اتهامات , صارت واقع معاش
مشكلة البعض خيو هي ازدواجية المعايير(وانا ما قصدي عليك انت) , يعني التخوين بس شغال على اي معارض ببلدو , بس فيما يخص حلفاء اسرائيل اللي لابستن تهمة التعامل مع المحتل بصير فيها الشغلة وجهة نظر.
اما بخصوص الصور , حتى لو كانوا مو فعلا للشرطة الفلسطينية عم تؤدي دورها الوطني في حماية الحواجز الاسرائيلية من ارهاب المخربين , فالشغلة ما بدها اثبات , افتح على الجزيرة او اي قناة تانية وشوفن لايف شو عم يساووا مو بس هني و زملائن في مصر والاردن وغيرها
بعدين برايك الامريكيين لشو عطون اسلحة و بدلات و عدة مكافحة مظاهرات و اسرائيل سمحتلن يرجعوا يتمركزوا بالمدن الفلسطينيية الكبيرة؟؟