لك وينكن !!!
يعني لسا كل ما واحد معو انهيار عصبي حكا كلمة بتعملوه زلمة وبتنزل الردود متل زخ المطر عليه ؟؟؟
يا عمي ايه بشرفي الله يحمي كل عنصر مخابرات سوري ويكون بعونو لأنو شغلتو أوسخ من شغلة الزبال ؟؟ تدري ليش ؟؟؟
لأنو الوسخ الي عم يلمّوه الزّبالة بالبلد أنظف بكتير من الزبالة الي عم يلمّوها عناصر المخابرات عندنا !
كل الي ما فهم يفهم
المخطط الخبيث الي عم يلعبوه هدول الي عاملين حالهن مع الحرية والديمقراطية وهاد العلاك
يا جماعة ( الي عم يآجروا ) مع جماعة الديمقراطية والتفاهات الي عم يتخبّو وراها فهموا بقا مين هدول الي واقفين خلف جدار الحرية السياسية.
افهموا بقا انو الي بدهن يعملوه مو مختلف نهائياً عن الي حاولوا يعملوه جماعة سعد طـ ... ـيـ .... ـي الحريري وقت كان مخططهم يمسحوا كل الأطراف الأخرى الموجودة على الساحة ويا خدو الساحة كلها بلبنان الهن !!!
كل واحد عم ينادي بالحرية والديمقراطية حالياً بسوريا تأكدوا تماماً انو مشروعه أخبث من هيك بكتير
يا حبيباتي بدهن يستولوا على زمام الأمور لأنهم معتبرين انهم الأكثرية والأحق بالحكم
بس فيقوا بقا واعرفوا شو الي ممكن يجي بعدين
لا حدا يستبعد اننا ننجر بالعصاية متل بالسعودية ( هاي الحرية بمفهومهم ليكون معلوم عندكم )
ولك انتبهوا لكلامكم ولمواقفكم وحاولوا تنظروا لأبعد بكتير من الي عم تفكروا فيه
كل موقف من مواقفكم الحميدة الي عم تظهروها هون بيزيد حماسة الاخوان وبيخليهم يشعروا بأنهم عم يكسبوا أطراف جديدة معهم بحملتهم الخبيثة ( كل هالأطراف رح يكون مصيرها البتر بعد وصولهم لغايتهم )
يعني بالوقت الحالي صار الطفل الزغنطوط بيعرف شو الفرق بين حكم ديني بيحكم من وجهة نظر واحدة والباقي كلو غلط وبين حكم علماني بيحكم على أساس اجتماعي لكل وجهات النظر ولجميع الأطراف
ولك مع اني مش كتير مبسوط من الوضع البعثي بالفترة الأخيرة ( كمان سبب تقلّب الأوضاع هي محاولات التشتيت الي عم يمارسوها أعداء سوريا ) لكن بدعي وبطلب من الرب انو كل واحد بيحكي كلمة عن البعث تطلعلوا حبّة بلسانو ويأصولوا اياه !!!!!!!!!
لك يا فهمانين بيكفي انو رغم كل الاشاعات الي خرجت من مصادر تابعة لهدول التافهين ولجماعة سعد بخـ ..... ـي الحريري السائح الجاي على سوريا من أي دولة عربية وبالأخص من دول الخليج جاي وعرفان انو اقامته رح تكون آمنة أكتر من أي دولة تانية بالعالم .
يمكن مش كلكم بالصورة الي نحنا عايشين فيها بمنطقتنا يا حبايب ألبي
ولك لو بيصحلي أوصل لإجر كل عنصر من عناصر المخابرات عندنا لبوس رجلوا ما بقصر
ما حدا منكم يمكن بيسمع الكلمة الي منسمعهى كل يوم عندنا
ومش كلكم مقدرين النعمة الي عايشين فيها
يا حبايب ألبي اوعوا على حالكم واعرفوا شو عم تحكوا وعلى وين راحين
وديروا بالكم تكون مواقفكم مدروسة وتكون على اساس مقنع للكل وبدون انجرافات عاطفية بيستغلوها اعداء سوريا ليعملوا فينا متل ما عملو ببعض الدول المجاورة وأكتر شوي يمكن
وخلي الي عم يحاولوا يخربوا بهالبلد يشيلوا الشحاطة من حلقهم لأنو آخرتها بتوصل للمعدة وبتعملهم عسر هضم صعب شفائووو
وعليكم السلام والإكرام
