[aboalzeik]

أول شي مرحبا للشباب والصبايا مشرفين وأعضاء واداريين

اول شي حابب قول اني حطيت هالموضوع بالمنبر لانوا لكل واحد رأي و انا حابب عبر عن رأيي و محلة بالمنبر لا بالصالون ولا بالبريد

أنا صحي كنت غايب عن المنتدى وما عم أدخل بس هلأ رجعت و صار عندي فكرة عن الاشياء اللي صارت و حابب احكي عنها لحتى ما يبقى بقلبي شي و بتمنى من الكل انوا الموضوع ما يتحول لمسخرة لانوا الوضع مو مستحمل اكتر من هيك .


اول شي انا عرفت بالمشكلة اللي صارت مع espaniol و أطرميز .

و على فكرة تقريبا 80 % من مشاكل الاخوية بتجي من تحت راس حوار الاديان و ملحقاته يا إدارة انا من وقت دخلت على الموقع و الكل عم ينادي بحل موضوع حوار الاديان
او صراع ال*****
يعني مع احترامي الشديد للكل يا ريت نرجع نشكل مراقبي حوار جدد مو القصد اعضاء جدد لأ بس القصد نرجع نبحث شوي عن اعضاء مناسبين عن اعضاء آرائهم محايدة و افكارهم منطقية و نقاشهم هادف
لانوا و بدون زعل الوضع رهيب
انا بس حابب قول ليش دائما الحرب شغالة بحوار الاديان
ليش ما نخلي قسم حوار الاديان منبر للعالم لتعبر عن رايها الديني بشكل منطقي و استفهامي مو بشكل حروب و كفر و تجريح بالآخر ليش ما نخي كل شخص عنده استفسار عن ايا دين يدخل لهون و يصير احد اخوتنا
ليش ما نخلي حوار الاديان قبلة للعالم لحتى تعرف اكتر عن دين ما بيعرفوا عنه شي او حتى يسالوا و يستفسروا عن شي مخربطين فية ليش ليش !!!!!!
يا جماعة اللي بده يتقاتل سواء مين ماكان يراسل التاني و ياخد عنوانه و يروح يطقوا بعض للصبح مو مشكلة بس يا ريت اللي بده يناقش و خاصة بحوار الاديان لازم يعرف عن حالة و يعرف عن دراستة و شخصيتة لحتى كل واحد يعرف مين عم يحاور انا شفت ببعض المواقع حوار اديان بس مو هيك .
هون نحن عنا كل واحد متخفي ورا اسم مستعار و نازل سب بالتاني يا جماعة و الله عيب علينا شو ماصار نحن اخوة و عايشين بهالبلد شو قصتنا

انا سمعت انوا في بيئة جديدة للمنتدى بس ما بعرف ايمتى رح تطبق بيتمنى يكون هالاشياء كلها ماخوذة بنظر الاخوة المشرفين و الحكيم

يعني بشكل عام ليش نحن ما فينا نعبر عن راينا إلا بالعياط و السب اصلا هالاشياء اسلحة الضعفاء

ليش دائما منطالب بتغير و تبديل كل اساليب الحكم اللي عنا ليش ما منطالب بتعديلها لانوا كسر العصى صعب شوي بس اذا ميلناها شوي شوي بيمشي الحال انا هون عم احكي عن المنبر يعني قد ما كنا مستائين من الوضع السياسي بس لازم نحترم القيادة و انا هون ماني عم غير مواقفي و آرائي ( بس بدي ذكر انوا الحاكم شخصيا او الرئيس ما فية يغير كل شي و ما بيعرف كل شي لانوا البطانة اللي حوالية الله اعلم و انا اول ما دخلت على الاخوية ناقشت هالشي بانوا الزلمة عم يشتغل صح بس ببطء و كان كريم راية انوا عم يشتغل خطا بس بسرعة او هيك شي المهم انوا نحن تناقشنا لا سبينا بعضنا و لا سبينا رئيسنا و برجع بقول انا في الي كتير اعتراضات على سياستنا و الاحزاب اللي عنا بس في كتيرشغلات صارت بتبشر خير المهم طريقة النقاش و بالنهاية كل واحد اله راية الخاص )

كمان بالنسبة للي صار مع سيريا مان و بعد تعيينة كمشرف الغاء هالشي .


بالنسبة للصالون و عالطاير مو شايفين انوا كترة كتير مواضيع المسخرة و الحكي الفاضي كان بالصالون في كتير مواضيع حلوة و مفيدة و بالطاير نفس الشئ او على الاقل شي هادف يعني فينا ننبسط و بنفس الوقت نستفيد او على الاقل نخفف شوي من المسخرة اللي مالها داعي و بالنسبة للي بده يتمسخر يبقى يفتح موضوع و اللي بده يتم يرد علية للصبح

ملاحظين انوا اقل قسم الاعضاء بيدخلوا علية هو قسم الكمبيوتر و التكلنولوجيا و بسطة اخوية طيب ليش ما منغيرهم لشي مفيد و فعال

بصراحة يا ادارة انا عم وجه نداء لاعادة النظر و انا كعضوا من حقي قول هالشي و طالب فية


بصراحة في كتير اشيا بدها اعادة نظر او على الاقل تفسير يمكن انا كونت فهمان غلط او يمكن انتوا كادارة بتقصدوا شي و انا كعضوا ماني فهمنا صح

يا ريت اللي بيحسن يفسرلي شي من هالاشياء كلها لا يبخل علينا خلونا نتنور