[يمان Rooooonaldo]

اول شي ... ما هي المبادئ الاخلاقية ؟

ثاني شي .. هل ممكن وجود شغلة تعتبر اخلاقية عند البعض و لا اخلاقية عند بالعض الاخر .. و فرق محايد ...

عمي ابو سارة الورد ..

المبادئ الاخلاقية عبارة عن مجموعة من القيم والاعراف المتبادلة بين مجتمع وحضارة .. بتختلف من حضارة لحضارة وعم تتغير من زمن لاخر ..

هي لو بدنا نحكي .. بغض النظر عن الدين او الفكر اللي كل مجموعة داخل هي الحضارة وهالمجتمع .. بينتمو الو .

هلا .. المبادئ الاخلاقية ضمن هالمجتمع او الفترة او الحضارة المعينة بتختلف من مجموعة لمجموعة بقا
.. حسب المعتقدات والافكار والدين .. والتربية والبيئة اللي عاش فيها هاد الشخص ..

في خطوط اخلاقية عريضة بتكون .. موجودة ومفهومة .. بكل بيئة .. بتختلف عن غيرها مع تغير الازمان والاماكن ..
هلا .. شي طبيعي يكون شي ما معين .. اخلاقي عند البيعض وغير اخلاقي عند البعض الاخر ..

ولكن .. لو بدك تجي للواقع في شي بيكون غير اخلاقي عند الجميع .. وين ما اختلفت العقائد والحضارات والمجتمعات ..

مثلا لو بدك تحكي عن سلوك السرقة .. او الاغتصاب .. هاد العمل مانو اخلاقي ابدا ..

هلا بدك تقلي بدال ما نقول عنو مو اخلاقي ونوقف نروح نلحق المسببات لالو ونعالجو .. وهاد الحكي عالعين والراس .. مممكن يكون مرض نفسي ممكن يكون فقر .. وجوع ..ممكن يكون .. 100 الف قصة .. ولازم انو يلتقالها حل ما تروح هيك عالكب ..و انو نقلو انت ما اخلاقي ونعاقبو دغري ونلعن سلسفليل ابوه ..

بس بالمقابل العمل اللي قام فيه هوة عمل غير اخلاقي .. بغض النظر عن المسببات .

لو بدنا نجي شوي ... ونحلل حكي الطالب الموجود فوق .. مثلا .. مع اني ما مقتنع انو في هيك مناظرة بس بما انو في مين حابب يدردش شويات .. فحلو الحكي ..

انت رحت اخدت هي النقطة ونقطة العدل والظلم .. ومتل ما حكا هوة انو الفجر والفسوق هوة غياب للمبادئ الاخلاقية ..

هلا مفهوم الفسق والفجور .. لح يخلتف من حدا لحدا .. بس في كمان شغلات معينة .. لا تعتبر ابدا اخلاقية ..

ما في داعي تاخد المعنى الحرفي لكلمة فجور .. بس خلينا نقول .. انو هية عملية غياب .. للمبادئ الاخلاقية فعلا .. بدون ذكر امثلة لانو .. في كتير امثلة موجودة .

العدالة .. هية عملية المساواة ما بين 2 مثلا وقت بيكون بينهم خصام معين .. او العدل ما بين الاشخاص من ناحية تامين الفرص بدون ما يكون في واسطات .. ومحسوبيات ..

الظلم هوة عملية .. عدم التساوي او عدم الحكم العادل ما بين الشخصين المتخاصمين .. لاسباب معينة .. بتخص احدهم دون التاني وبهيك بكون الشخص التاني ما اخد الحق المفروض عليه ..

لذلك وقت بكون ما في عدل .. بكون في نوع من الظلم صار عالطرفين .. لانو ببساطة يا بكون الحقوق متساوية بالضبط بين التنين او بالاحرى صاحب الحق بياخدو .. يا اما .. بدو يكون في طرف زاد عطرف تاني ولو بشوي .. وبهي الحالة ما بكون في عدل .. بالنص ..

نفس الوضع بالنسبة .. للظلام والنور اللي حكا عليهم .. وقت ما بكون في نور .. لح يكون في ظلام .. بس ما فيك تقول انو الظلام هوة اللي بيتحكم بالنور لانو انت ما فيك تزيد الظلام فيك تزيد الضو .. وتقويه ..



* هامش .. لجانو ..

القصّة، والموضوع من أساسو ولدنة بولدنة (عم قول موضوع ها! يعني مو فلان أو فلان!، أيواه) واستهزاء بالعقل البشري!
بقى يعني مافي داعي (طالما استمرت الردود بنفس المستوى الفكري للموضوع الأساسي) انكن تهينو بعض وتتولدنو بالحكم ع غيركن .

عيب والله عيب!

بغض النظر عن الموضوع .. وفكرة الموضوع .. خيو وان كانت بسط وكيف ورواق متل ما حضرتك شايفو واقل من مستوانا العقلي .. وحتى الحيوانات ما بينتشكو فيه يعني ..

المسخرة بصيغة معينة بعد ذكر صيغة المموضوع الاساسية بهي الطريقة .. عيب جدا .. وغير مقبولة ..

لك ابي انت مروق ومبسوط فيه .. خود راحتك وفرفد عكيفك .. بس معلش حبيب .. ما في داعي .. لتحكي شوية كلام هيك عبالك تنبسط فيه .. وتتعدى فيه عغيرك .. وبتكون بطريقة مسخرة معينة ..

انا حسب ما بعرف جيني انو مالو علاقة بهالشغلات كلها لذلك وقت كتبتلو الرد فوق .. كتبتلو .. انو بجوز يكون ما قصدو .. طريقة الحكي اللي انحطت او يكون عم يتمسخر .. بيكون .. ما منبته عهي النقطة .. لذلك خبرتو ..

واكيد .. ما في شي شخصي بيني وبين ايا حدا ..