اقتباس:
كاتب النص الأصلي : المحارب العتيق
على فكرة هاد الكلام صار معي تماما . وانا بعتقد بصحته
وحتى في دراسة مرة قريتها عن الرغبة الجنسية ازاء من نحب . وأنو الهرمون المسؤول عن هالشغلة بيشتغل لمرة واحدة بالعمر . ولمدة حوالي الخمس سنوات
|
اقتباس:
كاتب النص الأصلي : المحارب العتيق
هلاء الأنسان بشكل طبيعي عندو رغبة جنسية . وهي مالها وقت محدد . الا أنو متل ماتفسر الحب فهو المزيج بين أرقى المشاعر واجملها وبين أقوى المشاعر الجنسية . يعني مو صحيح أنو مثلا بس احساس ومابيفكر بالبنت أو بيتمناها جنسيا . وطبعا بالعكس . فالهرمون بيبلش يطلع من غدد صغيرة جدا موجودة في جدار القلب . يعطي شعور جنسي قوي لشخص واحد . هو من نحب . وتستمر الغدد بالعمل لمدة خمس سنوات تقريبا . وهو الشي يلي منلاحظ أنو بعد الزواج بفترة معينة يحصل فتور جنسي بين الزوجين
الدراسة قريتها بمجلة . ومابعرف اذا ممكن حدا يطلنا رابط لهيك دراسة 
|
اقتباس:
كاتب النص الأصلي : Nay
قريت مرة دراسة انو سبعين بالمية من الزيجات بالعالم العربي بتنتهي بالطلاق النفسي بعد خمس سنين..
معقول يكون في شي التقاء بين اللي عم تقولو انت وبين الدراسة اللي قريتها..
على الهامش الطلاق انفسي نوع من انواع الطلاق موجود بكثرة بالعالم العربي وبالمجتمعات المنغلقة وبشكل اقل بالمجتمعات الغربية وهوي قائم فقط حفاظا على الحياة الاسرية ومصلحة الاطفال بنظر طرفي العلاقة وهادا الشي ما بيمنع ابدا وجود علاقة جنسية بين الطرفين
|
ما بعتقد هالكلام صحيح لأنو احاسيس الحب بشكل عام بتكون دائما اسمى من المشاعر الانسانية فنحن وقت منحب شخص بمى يعني انو نغرم فيه
ما منفكر فيه كسلعة جنسية بل منحب انو نكون معو و يضل حدنا و يحكي معنى بس بجوز المخ بيحط مواصفات للشخص اللي بيفضل
انو يكون معو و بيعتقد انو فيه كافة المقومات الجنسية المثيرة و هيك مبيصير الواحد يبدي اعجابو بهالشخص
بس معظم حالات الحب بتكون بعيدة عن الغرائز و متعلقة اكتر بالتصرفات و الشخصية
يعني انت احيانا بتشوف تنين ميتين ببعض مع انو من الممكن انو واحد منن بيتفوق بالجمال بشكل واضح جدا على التاني بس حابين ببعضن انن متفقين نفسيا و فكريا مو شكليا
و متل ما تفضلت ناي و قالت كتير بيصير عنا حالات طلاق نفسي و ذلك بسبب برود المشاعر بين الزوجين و بتتحول الحياة الزوجية بيناتن لنوع
من انواع قضاء الواجب و الجنس كنوع من العمل الروتيني لأفراغ الشهوة بعيدا عن المشاعر
و ذلك لأنوعنا كمجتمعات شرقية كتير ميتة العلاقات الرومانسية
كمان ما بعرف اذا في شي حدا عندو رأي تاني
سلام