... سنة حلوة يا جميل
(اووووف - هاي الأوف تبع طفي الشمعات
)
( غمضولها عيونها ... يالله .. مسكي السكين بالمقلوب.. لك هاي ايدي يا ح...
عم قلك السكين السكين .. )
(اي اتمني بسرعة ... جعنا!!)
(مواه مواه - هاي تبع المعايدة)
يالله باي مافيني اتأخر عندي طيارة بكرا وبدي روح بكير ، رقصو بدالي شباب ..
شك طج (هاي خبطة الباب)
طن طن (هذا انا عم رن الجرس مرة تانية بعد لحظة)
- يا فهماني ما بيصير تخبط الباب بقوة بس حدا يطلع من عندكم، بيفكر انو كنتى ما طايقتي ..
-
و كرمال هاي الحركة الناقصة ، رح ارجع .. (انتي بتعملي هيك
)
لك يا ليلى وين التبولي !!
اي انا ما طلعلي تبولي ؟؟ لا تبولي ولا بيتزا !!
طنت ام ليلى شايفي شايفي ما عم بيوجبوني
خلص انا حردت
وصار بدي تبولي و بيتزا وفطاير جبني كمان
هم هم هم .. (اكلتون كلون بطقة وحدي وحطيت 2 برك جبنة بجيبتي اليمين ، و سمبوسك سبانغ بجيبة القميص وتمي محشى ، حدى اني عم بشكر ربي اني شلت ضروس العقل كرمال يصير في مساحة بتمي اكبر
)
انا انا انا انا .. (هذا طلعت دبكة و انا بدي نط على الأول
)
طج
طج
طج .. أخ (هذا دعست على رجل الصبية الي واقفي على التاني من حيث انو هيي اميركانيي وما بتعرف تدبك منيح .. خود بقا هلق بدي اضطر رقصها منشان اعتزر منها .. يالله امرنا لالله ، صحي ما بحب الأميركانيات بس عاد بضغط على حالي
)
رننننننننننن ... رنننننننننننننن
(موبايلي عم بيرن)
الو .. لك الوووووووو ... اي اي سوسو ،، هون في ضجة كتير فما عم بقدر اسمعك ،، لك لا ما بتأخر ،، يالله مسافة الطريق بكون عندك ، بتعرفي .. انشري البنطلون المكشكش على المنشر الوراني اذا كان فيكي تنزلي منشان لاقيلك على الكوع
..
(احنا الحماصني ما فينا .. بنص اميركا بدنا نستخدم الطرق التقليدية المتعارفة خخخخخخخخخ)
يالله باي شبابس (شبابس خوش هدول اميركان ، و ما بيفهمو لغتنا هاهاهااهاهاه)
يالله باي ريتا .. و هبي بيرسدي مرة تانية ، انشاء الله السني الجاي بتكترو التبولات شوي ،، يا دوب طلعلي 3 مغارف !! وهاي رفيقتك الشقرة الي بتمسك على التاني وبتفشكلي الدبكي ما تعزميها سنة الجاي .. يفدح حريشها شو نكروزي .. نكرزتني ونزعتلي مزاجي .. هيي وسكربينتها الخضرة !!
هون انتي بتدفشيني و قفعت معك
وصار بس بدك تزحلقيني من حيث ما تركت حدى يخلص من شري
شن بن فن جن عن رن ،
(هذا انا على كتر ما عمت على قلبي هاي الشقرة و نكرزتلي مزاجي فشي انك شطيني وانا ما عدت شفت قدامي واتفشكلت على الدرجة وصرت ميت شقفة ، فهمت بعدين انو اخدوني على المستشفى وانو البنطلون المكشكش ضل منشور اسبوع على المنشر الوراني !!! بس انا دفشة الباب كان آخر شي بتزكرو .. وبعدها صرت شوف نجوم نجوم نجوم .. )