اقتباس:
suryoyo
هي اسئلة العضو المجهول ...
|
ايه يا هلا فيك وبالعضو المجهول
اقتباس:
Jankasanova أو جورج
انا يمكن ما كتير بعرفك بس انو حاولت احمع معلومات عنك عن طريق مشاركاتك و بعض الاصدقاء
|
شغل تحريات وافلام بوليسية ما 
اقتباس:
|
السؤال الأول : Jankasanova هوي نفسو جورج ولا جورج شخص و Jankasanova شخص تاني بالاراء و الافكار ؟
|
جورج=Jankasanova بالافكار والاراء والشكل واللبس وتسريحة الشعر
..
القصة ومافيها انو انعرض علي شرط من قبل على ايام الجامعة بالمانيا, اذا بقدر خلي الاساتذة بينادولي Jankasanova لنهاية الفصل الدراسي بربح الشرط ومشي الحال وكسبت الشرط, ومن وقتها اصدقائي اللي عرضو علي الشرط بينادولي بهالاسم, ومابعرف كيف وقت سجلت بأخوية ماسجلت باسم جورج او حتى ماجربت بحبش اذا اسم جورج مستعمل او لا
, فورا حطيت Jankasanova وروح شايفلك.
اقتباس:
|
السؤال التاني : أنت عايش بالمغترب صح , شو بيعنيلك الوطن و اكتر مكان بتحنلو , و جورج لما كان بالمطار قبل ما يسافر أول مرة اختلف عن جورج هلق , و اذا اختلفا ايجاباً أو سلباً , و اهم شي تغير فيك؟
|
يامرحبا بالسؤال التاني...
انا عايش بالمغترب, مابعرف كيف بدي اوصفلك هالشعور, وقت تكون متعلق بشخص وهالشخص بيعنيلك كتير وبيقدملك دعم, وبعد فترة بتضطر تتخلى عنو, بس بعدين بترجع لحضنو وتتوقع يضمك ويسامحك بس هالشي ماصار, بالعكس اتبرأ منك وبالتالي انت تركتو كمان مرة,
يعني علاقة مضطربة جدا فيك تقول, الحب موجود بس في مكابرة بعدم اظهار هالحب نتيجة للي صار بس رح يجي يوم ويتصلح فيه كل شي...
اكتر مكان بحنلو بيت جدي. كل زاوية فيه الها ذكرى وكل ذكرى احلى من التانية, بس بعد ما انهد البيت صارت كل ذكرى بغصة..
جورج وقت كان بالمطار قبل مايسافر اول مرة, كان خايف, خايف من المجهول خايف من المستقبل, خايف من الشي اللي عم يستناه ببلاد مابيعرفا, خايف ما يقدر يندمج, خايف ماينجح.
جورج هلا فيك تقول صار اكتر ثقة بحالو, صار يتطلع للحياة والمستقبل بمنظور اخر, صرت وين مابتحطني بوقف على اجري, طريقة تعاملي مع الناس اختلفت.
اهم شي تغير فيني هو احترامي للوقت.
هالغنية.......
بتذكرني باول فترة بالغربة, كنت اسمعها يوميا, بتذكرني باهلي وقت كانو يحكو معي عالتلفون, دموع امي, صوت اخي الصغير بيقلي "اشتقتلك كتير", بأبي وقت يقلي "انتبه على حالك", باخي الوسطاني بيسألني "ايمتى راجع".....
اقتباس:
|
السؤال الرابع : علاقتك مع الموسيقى او الفن التشكيلي اقوى و ايا يلي بعبر عن جورج ؟
|
الموسيقى اقوى...
اليوم اللي مابسمع فيه موسيقى كأنو ما عشتو. الموسيقى متل الاكل بالنسبة الي, يمكن ماباكل قد ما اسمع موسيقى, وعلى سيرة الموسيقى حضرت مقابلة مع مفكر نسيان اسمو حاليا قال "الموسيقى تطور من روح الانسان, وتجعله اكثر خشوع".... وانا موافق معو على هالحكي
اقتباس:
|
السؤال الخامس : الأخوية ب سطر واحد شو بالنسبة الك ,
|
اخوية حاليا هي مكان بتواصل فيه مع ولاد بلدي...
اقتباس:
|
ليش جورج بعيد عن الاخوية (( قليل لنشوفو مشارك بالاخوية )) ؟
|
يمكن لأني مابحب العجقة الكتير, يمكن لاني بحب اقرا اراء وقارنها بارائي بيني وبين نفسي, بصراحة مابعرف بالضبط انا كمان متلك عم اسأل حالي هالسؤال..
اقتباس:
|
السؤال السادس و الأخير : هل انت بتعتبر حالك اشتراكي , شيوعي , ليبرالي , رأسمالي (انبطاحي) ؟
|
اخر حبة بالعنقود دايما تكون اطيب من الباقيين..
انبطاحي 
انو مين ما كنت بشكرك على وقتك لانك بحبشت وحطيت هالاسئلة
وبتشكرك جدا جدا عالغنية اللي حطيت رابطها 
بس انو اذا رح حزر وفزر. الله واعلم الله واعلم انت "ابو سارة"