[غيديون]

اولا ....موضوعك يا صديقتي نحن في امس الحاجة اليه
في اراء قبلي قالت نحن رضعنا التعصب ...بينما ارى نحن رضعنا شيئين منفصلين
لو جمعناهما نحصل على التعصب....لقد رضعنا حبا للدين بحيث احببناه اكثر من اي شيء...وانا مع هذا
ولكن المشكلة اننا رضعنا شيئا اسمه العناد...في ليبيا بنقول ( تسكير راس ) يعني ممكن الحدى يكون فاهم غلط
وما بدو يفهم الصح ولا بيتقبل انو حدى يقلو انت غلطان او موهيك....
وفجأة ولان الموضوع الو علاقة بالدين بينط بخوانيقك...وفجأة تجد نفسك كافر
مثلا رح احكيلكم موقف:
على اعتبار انا من ليبيا فالتعصب ما بيكون مذهبي او طائفي لاننا كلنا مسلمين سنة...بس الاختلاف في النظرة للدين
انا بقسمها لنظرة الجاهل ونظرة المتعلم....
يعني مثلا كنا في مجمع عائلي وحكينا عن كلية الفنون الجميلة وانو شي حلو بدأ في اهتمام فيها في الفترة الاخيرة..
وما بلاقيلك غير وحدة بتنط بوشي وبتقلي اصلا هاد حرام!!!
وحاولت ناقشها وقلها انو الرسم والنحت منن حرام وفي فرق بين الفن والاصنام يللي كانوا زمان بيعبدوها وقلتلها عن شيخ سمعتو بإذني وهو يعني يعتبر من اكبر علماء الدين في العالم...قال انو هالشغلات مادامك ما بتوقفي قدامها وبتعبديها فان اقتناءها وصنعها منو حرام بالعكس يعتبر فن والفن غذاء الروح....
وما بلاقي حالي الا اني صرت كافرة والعالم يللي استشهدت بكلامو كافر ....ولما قلتلها خلينا نحكي بالمنطق..
تصوروا شو قالت...قالت هذا دين ما فيو منطق......يعني شو بدي قلها ما بعرف؟؟؟

تعرفوا بعدها ما تحسرت على شي قد حسرتي على هالدين يللي عم بتشوهو بكلامها...
وللاسف يللي مثلها كثار....