بصراحة أنا مالي من الأشخاص يللي بحبو يتحدثوا ويتناقشوا عن العلاقات العاطفية .. بس كم شغلة براسي بدي قولا مشان أعطيكم سبب تناقص الثقة بين الطرفين ..
أول شي يمكن الثقة بتكون معدومة بين الطرفين ولكن علاقة الحب بتبقى موجودة بالرغم من عدم وجود ثقة كبيرة من الشب للبنت أو من البنت للشب ..
تاني شي كيف الواحد صار لازم يثق ببنت عم تئلو انو بتحبو هو وبس وبتلاقيها من وراه عم تحكي مع خمسين شب غيرو وبعلموا وبفخر كمان .. وبنفس بتقعد هالبنت بتتحسر وبتتضايق لما بتشوف حبيبا عم يحكي مع بنت غيرا .. طيب ليش ما حسيتي فيه لما كان يتضايق لما يشوفك عم تحكي وتضحكي وتمزحي مع شباب غيرو .. وشلون بدك ياه يكون وفي ومخلص وما يتطلع على غيرك .. وانتي عم تتجاهليه بأسلوب عم يقتلو من جوا .. يعني بدك ياه يكون ضحية بعلاقتك ولا كيف؟؟
في بنات لما بتحب بتشيل غرورها على جنب وبتشارك الشب بكل شي بالحب وبطريقة تكون متساوية بين الطرفين .. وفي بنت بتكون متقلة حالا ومفتخرة بحالا وحتى كلمة بحبك بتلاقيها عم تطلع من برات مناخيرا وبدها الشب دائماً يسأل عنها وبنفس الوقت هيي مو سائلة عنو .. بصراحة مالي عرفان اذا هي البنت وهاد الشب رح يستمروا بعلاقتهم بهي الطريقة .. الله يكون بعون هالشب يللي عم يتحمل هيك صنف من البنات..
آسف على المداخلة الغليظة .. بس حبيت اعطي وجهة نظري بكل صدق .. تحية 
What goes around comes around it's karma baby
(( معروف سابقاً كـRomanista ))
Previously known as Romanista
|