[وشم الجمال]

باشق ....بالبداية ما كنت حابة اتعرف عليه من منطلق انو بحب ستار اكاديمي وهاد اكتر شي بكرهو عالتلفزيون بس كنت بذات الوقت حس انو حباب وطيب وانو فيني احكي معو واتعرف عليه ولما حاكيتو جذبني فيه انو انسان بمعنى انسان وبيتعامل مع الطرف التاني على هالاساس وانا ما بنكر انو في اختلاف كتير كبير بيني وبينو بوجهات النظر وكتير بنوصل للحظى انو لا انا ولا هو مستعدين نقتنع بافكار بعض بس بيبقى انولااختلاف بالرأي لا يفسد للود قضية

بس كشخص حباب كتير وانسان اكتر متل ما قلت ما بعجبني انو ما بهتم بصحتو ورح يصير معو فقر دم وولا ببالو بحبو لما يحكي عن الله لاني بحس انو بحبو كتير وصحيح مو مقتنعة بكتير افكار عندو بهالموضوع بس لكل انسان قناعاتو يللي حر فيها

وفي نقطة بتتعبني معو وهي انو ما في حدود لتفكيرو وانو عندو ايمان مطلق بالعقل وانا بشوف انو العقل الو مدى ادراك محدد وما بيقدر يتعداه

طيب حنون متفائل عندو ارادة بحب كتير كتير امو يللي بتعنيلي نموذج حي للانسانية بارقى حالاتا واخر شي فيني قول بحبو كتير وما رح انسى الصندويشة العازماه عليها بس عاد مالي دخل اذا طلع من الاردن محمل...