[الموسيقار]

كاتب النص الأصلي : Raw

هلأ خلينا نمشي بهالقصة خطوة خطوة ..
.
هيّا بنا نمشي ...
----
أنا صديقي مالي ضد الديمقراطية .. كـ مبدأ .. على العكس تمام .. أنا بتمنا أكتر من أي شخص أنو تكون الديمقراطية هي اللاعب الأساسي .. بتركيبة الممارسة السلطوية .. بس القصة وما فيها أنو كيف بدكـ تستنا ديمقراطية .. ما الها حامل أساسي .. اللي هو الشعب . .
-
صديقي! حسناً أنت مع الديمقراطيّة لكن تضع شرطاً لها و هو وجود شعب قادر على حملها و نحن نقول لك الشعب جاهز لحملها، فتعود و تدّعي بأنّ الشعب لا يستطيع و لا ينبغي له أن يحملها لأنّه كالحمار يحمل أسفاراً بل و تدلّل على كلامك بتقسيمك الشعب إلى هذه الفئات الموبوءة، حسناً سأبرهن لكَ أنّ هذه الفئات هي من صنع حكومتك التي تطبّل و تزمّر لها و قد صنعتها عن عمد كي يأتي شخصٌ مثلك و يتفوّه بمثل ما أسلفتَ،
1_ التبعية الدينية العمياء _بحيث بيسيطر رجال الدين (ومبدأ الحلال والحرام) على توجه الغالبية الساحقة
الكلّ يعلم و أقصد بالكلّ كلّ من على وجه البسيطة من البشر يعلم أنّ القرار الديني قرار مسيّس تماماً و الإمام أو رجل الدين الذي يخرج عن الإطار المرسوم له من قِبل دولته يلاحق كما يلاحق المعارض السياسيّ رغم عدم وجود أي حزب أو جماعة و لو صغيرة ينتمي لها هذا الإنسان (مثال: الكشك - أحمد مطر ...) فنرى إذاً أنّ الأفيون الذي يتناوله الشعب قد صنعته الحكومة نفسها كي تنوّم الشعب.
2_ التبعية العشائرية .. وهاد كمان قوي والعشيرة بتحتل الترتيب التاني .. بفكر المواطن العربي .. بعد الدين .
عندما ينحاز رئيس الدولة إلى عشيرته من الطبيعي جدّاً أن يكون كلّ فرد من أفراد الشعب يمتلك نفس العقليّة، بل من غير الطبيعي أن تجد فرداً من أفراد الشعب (من خارج عشيرة الحاكم) لا ينحاز لأبناء عشيرته لأنّه قد شرب هذا الفكر مع حليب أمّه حين رأى الانحياز (على أصوله) كيف يكون ممثّلاً بالقدوة -الحاكم-.
3_ التبعية الهرمونية .. أنو عقلية الانسان العربي (وبالطبع التخلف أثر كتير ) هي عقلية زير سالمية .. عندو غريزة الغاء الآخر كتير قوية .. بالاضافة لأي هرمونات أخرى بتتحكم بقرارات الانسان العربي.. متل الجنس والكسل ..
ذُكر أعلاه شيئاً ما عن حجب المواقع في الإنترنت حيث وجدنا أنّ المواقع المحجوبة هي التي تمنح الإنسان فكراً تمنحه فضاءً تمنحه عقلاً بينما المواقع التي تسلب العقل و تحجب الفكر هي المفتوحة و التي نجد التشجيع عليها، فلكي تتخلّص (مثلاً) من الترخيص لمحلّ ألعاب يكفي أن تضع لوحة على بابه تكتب فيها كافيه نت دردشة ماسنجر، شيءٌ آخر إنّ الهرمونات ليست فقط هرمونات جنسيّة فالجنس غريزة كغريزة الجوع و عندما تجعل الإنسان يجائعاً لن يفكّر حينها بأن يلبس آخر موضة بل سينصبّ تفكيره في تأمين قوت يومه فالتجويع إحدى أهمّ الوسائل التي تشغل الشعب عن قضايا الديمقراطيّة و تجعله يقلب على ظهره ضحكاً عندنا تتحدّث عن هذا الأمر قائلاً دعنا نأكل الخبز أو دعني أجمع مالاً أتزوّج به...
.
نجد أنّ هذه التبعيّات من أعظم اختراعات أنظمة الحكم فهي تبقي النظام قائماً بل و تجعل الشعب يظنّ أنّ الديكتاتوريّة هي الحلّ لكلّ المشاكل و تجعلك تسخر منّا نحن معشر المتفيقهن!
.

هون فيني جاوبكـ لما منحكي برواق ومتل الكبار ..

حبيبي التبعية الدينية .. من وين لوين لساويت سببها الحكومة ؟؟ يه ؟؟ ليش مالكـ خبر أنو هي العلة عمرها ألف و أربعميت سنة ؟

ما عندكـ خبر انو الاسلام بصيغته المتداولة هو أكبر صيغة اجتماعية مميتة ؟؟

هلأ ممكن أي نظام يستغل هالناحية .. بس أكيد مو أي حكومة لا هلأ ولا من خمسميت سنة كانت السبب بالتبعية الدينية .. لأنو هاد مرض .. أبشع من هداكـ المرض .. بعيد من هون .

وهالمرض متجذر بطريقة أنو الله اللي حطو ما بيقدر يشيلوو .

هون بدنا نسأل تساؤل زغير .. أنو ما في علاج ؟؟ لأ في علاج . بس تدريجي .. وطويل كتير .. ومو بالناطحة العلاج لأنو أي نظام سواء الحالي .. أو اللي رح يجي بعدو .. بروح . بس رح يضل الشعب هو .. هو .


بتقللي أنو التبعية العشائرية بدأت هون لأنو النظام متحيز لعشيرته .. هي أكتر شغلة فاجأتني ..

ليش ما بتعرف أنو أفقر شعب بسوريا هو الشعب العلوي ؟ روح شوف الفقر االي من نوع الشحد اللي عايش فيه الشعب العلوي (أنا علوي وبعرف) .

بتقللي هلأ .. النظام متعصب لعيلته وعاطيهم امتيازات...

قللي عن دولة (نامية طبعا ً ) عيلة الحاكم فيها مو معطاة كل الامتيازات ..
الولاء للعشيرة وعند العرب خاصة عمرو أكتر من اربع تالاف سنة .. اقراا تاريخ بتعرف .. أو .. ما بدا.. احضر تلفزيون .


بالنسبة للتبعية الهرمونية .. قراا منيح شو كتبت .لأنو انت جبت حكي بتفسيركـ (شيخنا) أنا ما بتصور قلته ..

بدكـ برجع بناقشكـ بهالقصة .. بس ترد رد ع كلامي .. مو تفسر . لأنو مفسر .