مع انو هلحكي مش موثوق منو، بس برضو فينا نحكم علية...
الشق الأول من الموضوع، ويلي بيستند على اقتباسات حكي وامثلة لحالات فردية، ممكن جدا يكون فيو وجهة نظر ولو مين ما يقاة ما بيقدر يقول مستحيل لأنو المكتوب كتير معقول... انو في هيك نمر بالعالم...
بس برضو الثراء الفاحش مالو علاقة بالخيانة وبيع الأراضي، لانو اصلا بال 48 الكل بيعرف مين يلي باع ومين يلي ساهم بالتهجير ومين يلي قبض...
والشق التاني من الموضوع، ويلي بيعتمد على الذم بالتعميم فيلي كاتبو وببساطو واحد أهبل...
لانو اولا، معاناة شعب ما بتنقاس بشكل نسبي متل ما انحكى ع قطاع غزة... يعني ازا فرضنا في شعب تاني بالدني بيعاني اكتر من مواطني غزة، فهل هاد الشي كافي للاستهتار بالقضية؟ انو شو يعني، طز ويموتو بيضلو عايشين احسن من ناس تانية؟
تاني شي، "أهل الضفة الغربية عايشين ملوك لأنو بيزرعو زعتر".. ؟
انو شو يعني، انا حمار.. بس بدي احكي؟
تالت شي، فلسطينيي الداخل ازا كان الهن تمثيل بالبرلمان والاعضاء عندهن حصانة بيصيرو خونة؟ انو انشالله مفكرين انو اسرائيل بكيفها معطيتهن الحصانة؟ بس انو ما عندها اي حل تاني طول ماهيي بين قوسين "دولة ديمقراطية"... طيب ما عرب الداخل قدامهن طريقين: يا بيقاطعو كلشي اسرائيلي، يعني لا مدارس ولا جامعات ولا أكل ولا سيارات ولا شي... يا بينخرطو بالمجتمع مشان يحافظو على هويتهم، يعني بيدرسو وبيتثقفو وبيصيرو وبيطلعو وبيوصلو وبيأثرو... وهيك بيساهمو لمجتمعهن وللرفع من جودة حياتو... باللهي مين أحسن؟
|