يا شباب انا عنجد بدي اعتذر .................
انا مبارح عمل الرولو ونتبهت انو عطيتكن الروسية القديمة وهي كتير بتعزب بالشغل وانا رح اعطيكن الجديدة
مقادير العجينة:
200 غرام سكر / 200 غرام طحين / بيض 5 / برش ليمون / فانيليه.
نخفق البيض ثم برش الليمون والفانيليه ثم نضيف السكر ثم الطحين ولما بتنخلط كل المقادير منيح بنمدا على صينية مدهونة بشقفة زبدة ولازم تكون على نفس السماكة بالصينية وبنحطا بالفرن لمدة ثلث ساعة ويمكن اكتر او اقل حسب بس المهم انو ما تقسى او تتحمص
مقادير الكريما:
بيض 1 / زبدة نص باكية يعني (120) غرام / سكر ناعم 1 كاسة /كاكاو3 ملاعق كبار / فانيليه / برش ليمون.
نخفق البيضة ونضيف برش الليمون والفانيليه ثم السكر ثم الزبدة ولما بتصير كريما بنشيلا من الخلاط وبالمعلقة بنخلط الكاكاو منيح وبنرجعا شوي على الخلاط
وهلق بندهن الكريما على العجينة ولازم تكون سخنة بس مو وهي طالعة من الفرن يعني بعد شي دقيقتين
وبنافا منيح ولما بتبرد بنلفا بورق سيلوفان سميك وبنحطا بالفريزر
ملاحظات:
يمكن استبدال الكريما بالمربى وبنحطى بس بالبراد
ويمكن استبدال الكريما يلي عملناها بقطرميز الشوكولا نوتيلا بس يفضل كريمة البيت لحسن الطعم
ومرة تانية لا تواخذوني اخر مرة ما بقى عيدا مرة الجاي بتاكد بالاول
يسوع ما بقيلي غيرك ...... ما تتركني