أخوية - عرض مشاركة واحدة - مين بتشبه-ي من الممثلين أو المشاهير ؟ أو بمين بتشبه حالك غالباً؟

Placebo · 14/09/2007

بتذكرر برنامج من زمان كان يطلع عالقناة السورية إسمو (الشبيه) وكانو يستضيفو فيه ممثل ويفرجوه الناس يللي بيشبهوه .. والبرنامج كان حلو خيرات الله .. وما بنسى شبيه غوار الطوشة يللي موتنا ضحك وقتا .. عموماً مو هون الموضوع ...........

دائماً كنت أنا ورفقاتي نشبه حالنا بالممثلين أو حتى العالم بيقولولنا مين بنشبه .. يعني مثلاً في عندي رفيق سبحان يللي خلقوا شو بيشبه Rowan Atkinson يللي معروف عنا بالعالم العربي بمستر بين ... وفي عندي رفيق ماشالله تبارك الله بيشبه 80% روبيرتو باجيو بعز شبابو ..

بالنسبة إلي أنا أكتر من واحد شبهني بالممثل يللي طلع بفلم شيفرة دافنشي المتعصب المسيحي يللي كان بيعذب حالو بالفيلم .. نسيت شو إسمو بالفيلم بس هادا هوه

وبالفعل بصراحة بعترف أنو هادا الممثل يللي اسمو بول باتيني عنجد نسخة تانية عني وبيشبهني خير الله مع إني ما صدقت أول شي بس مع الصور لاحظت أنو عن جد هالزلمة شبيهي بالتمثيل

ياريت كل واحد يشاركنا بالموضوع لنتسلى شوي .. بس أهم شي تكونو صادقين .. مو يجينا واحد يشبه حالو بتوم كروز مثلاً وهو بيكون بيشبه عبد الله الرويشد

باي Ladies and gentlemen