أخي جورج خلينا نتفق على كم نقطة ماشي؟...
أولا أنا ماعندي مشكلة شخصية مع حدا...ولا يمكن حملك أو حمل غيرك خطأ ساواه واحد تاني..
ثانيا...اللي بيزعجني شي تاني مختلف عن اللي وصلك...اللي مضايقني المسيحي...المسلم ...القومي السوري...الشيوعي...القومي العربي...وغيره وغيره كلنا بخندق واحد...وكل واحد فينا مفكر حاله لوحده بنص المعمعة...بره ما حيفرقوا بين مسلم ومسيحي أو أي مذهب أو حزب إلا مشان يفرقوا بيناتنا...متل ما ساووا بالعراق
ما بعتقد أن الرسام ساوى مشكلة بيناتنا ولا حيقدر...حتى لو أجت بعض الردود استفزازية من الطرفين...بس بعتقد القلب أبيض ولا؟
ثالثا ما صرخت ولا شي...حتى ما طلعلي صوت
مافي غير طقطقة هالكيبورد
شوف يا عزيزي...بالنسبة لصور الرسام...فعادي يا خيي عم نتسلى...هوه بيعرف يرسميرسم...طيب ونحنا عنا أحلى شباب شبيحة جرافيك
وللمعلومية كمان...شباب صحابي طلعوا على الدنمارك...وساووا برنامج تلفزيون عن الرسومات...مش لسب اللي رسم...بل بالعكس...بكل هدوء ونقاش واعي طلعوا يشوفوا الدنماركيين شو رأيهم باللي صار وشو بيعرفوا عن الإسلام...يمكن فيك تشوفهم على الأم بي سي برنامج أسمه ياللا شباب
المهم رفضت الجريدة استقبالهم وطردوهم من المبنى...ومع هيك بالبرنامج طلعوا أنهم بس رفضوا استقبالهم...مع أن اللي صار أن الجريدة جابولهم السكيورتي وطردوهم بره
الشي الغريب بأوروبا...كل ما بطلع هونيك أن الناس بتتعامل معانا عادي...الحكومات اللي عاملة قصة وبس...بحياته ما حدى قالي بأوروبا شي لما بيعرف أني مسلم حتى بعد 11 سبتمبر...بالعكس بيسألوا عن ديني وعن شو بيحكي....وهل صحيح اللي بينحكى عنا...وعادي جدا بوضح لهم الموضوع
مافي غير مرة بألمانيا صادفني واحد ألماني قلع واحد تركي من المطعم بس لأنه تركي والتركي ما ساوا شي حمل حاله مع مرته وطلع
أما بأمريكا ههههههههههه فالشعب بحسه أهبل...ما بيعرف بره أمريكا شي...كل اللي بيعرفوه عنا أن الخليج عايم على نفط وكله صحرا هههههه بيضحكوني بحس أنهم بدهن شي ألف سنة كشعب حتى يلحقوا طور الحضارة...بتذكر ببوسطن حكاية القناص اللي منع التجول بالبلد وعلموا الناس يمشوا بالشوارع هنن وعم يهزوا مشان ما يصيدهم...وقالوا أنه عربي طلع أمريكي وبختم كمان
بحس أوروبااا ووووووين قمة الثقافة بالنسبة لأمريكا...وحدة أمريكية مسيحية قابلتها فعم تسألني من وين...قلتلها من بلد مولد المسيح...قالت لي واوووووووووووو من روما
بالله كيف بدك تفهمها هي؟؟؟!!!
يالله سلام