[abosleman]

كاتب النص الأصلي : ayhamm26

هلق ما في شعب بالدنيا الا وفي فساد يعني بتلاقي شعوب اوربية مثلا ايطاليا كلها مافيا ورشاوى بس في سوريا الوضع كتير مختلف والسبب هو انو الدولة بتشجع ظواهر الفساد لانو هو احد اهم الطرق المستخدمة لاطالة عمر النظام
يعني التركيبة العجيبة اللي استخدمها حافظ اسد وزملائو من الرؤوساء العرب هي انو تجيب للحكم ناس قابلين للفساد وتفتحلن الباب ليعبوا وينهبوا لكن بنفس الوقت كل شي مسجل علين مشان لو فكر واحد منن يفتح تمو او يعمل اي حركة ضد النظام ساعتها يلقى كتابا منشورا

هدا بالاضافة انو الانسان الفاسد واللي بيقبل ينهب المال العام بيكون معدوم الطموح وكل اللي بدو ياه انو يبقى بالمنصب مشان يعبي اكتر يعني ببساطة ما في خوف منو ابدا

وبذكر هون قصة انو لما بشار الاسد كان عم يتحضر لوراثة ابو عمل جولة بحلب اظن سنة 1998 والناس طلعو ببساطتهن يهتفولو يا ابو حافظ غيرلنا المحافظ والمحافظ كان وقتها من اكتر الناس المعروفين بحلب وبسوريا بالفساد قام ابو حافظ بعدها باقل من سنة يمكن غيرلن المحافظ وحطو رئيس وزراء شو رايك؟؟

عزيري اول شغلة لا تحكي عن الشعوب الاوربية على انها منزلة
مافي شعب خالي من العيوب وماعندو فساد بالسلطة
بس عنا مشكلة الفساد انو الشعب رضيان .... بس رضيان ليمشي امورو وهاد الشي الغلط
شعبنا العربي شعب جبان وبخاف من خيالو شعب انذل وشبع ذل وبدو يدور على لقمة عيشو
ان كان موظف ولا غير موظف بأي شي بدو يشتغلو هو اللي ببادر ليدفع رشوة
رواتب الموظفين الحكوميين عنا ما بتتناسب مع غلاء المعيشة والتضخم