[أبو شريك]

كاتب النص الأصلي : Joe

أبو شريك
العادة السرية ما إلها اي سلبيات. صدق أو لا تصدق. و مافي شي اسمه الاكثار من العادة السرية (إلا يمكن اذا تخطت المعقول و اثرت على قيامك بأعمالك, يعني بدل ما تطلع من البيت, تصير تحبس حالك مشان تمارس العادة السرية... وقتها هاي مشكلة... بس لاحظ انها مشكلة اجتماعية مو طبية)
مافي شي اسمو اكثار من العادة السرية لأن الإنسان بممارسة العادة السرية بيكون عم يستجيب لحاجات عم يمليها عليه جسمه... متل الشرب و النوم و الأكل. انت لما تجوع بتاكل... ما بتهكل هم انك تاكل كتير.. لانك بتعرف حالك بس تشبع إنك توقف... نفس الشي بالضبط العادة السرية...
و العادة السرية مانها نوع من الإدمان.. يعني ما ممكن تأدمن عليها متل الكحول او الدخان. بس ممكن تتعود عليها كمساعد على التخلص من السترس و الضغط النفسي... بقى بتستخدمها لهادا الشي

على كل حال لو بتقدر تقرأ انكليزي فيك تكتب
masturbation
بالغوغل او تسأل اذا كانت مضرة و بتلاقي كتير مقالة اجنبية ممكن تقرأهم احسن من ألف مقالة عربية... المقالات العربية دائما اقل اهمية من الإنكليزية لأنهم دائما إما مترجمين عن الإنكليزية (لأنو العرب ما بيعملوا ابحاث علمية, يعني كل مصادرنا من اميركا و اوروبا) و دائما الاحسن تقرأ المصدر الأساسي, أو يتم اختراعها من اصحاب الاجندات غالبا من الاسلاميين او حتى يمكن المسيحيين

فيك مثلا تقرأ هاي المقالة
http://www.sexualcounselling.com/masturbation.htm

تقريبا كل ما ورد بالموضوع الأساسي هو كذب و عملية تشويه مقصودة للحقائق الله اعلم شو الغاية منها

شكرا عل اهتمامك

انا كمان عندي معلومات منيحه بهالخصوص ، بس حبيت آخد رأي الطب ( من خلال سرسورة ) لحتى اتأكد من معلوماتي .. لانو بهيك مواضيع اذا كل واحد رح يحكي رأيو رخ تضيع الطاسه فالافضل نسمع كلام حدا درس هالشي

عندي تعليق صغير :

بيكون عم يستجيب لحاجات عم يمليها عليه جسمه

هيه هي الحاجات بيتم تفريغها بشكل طبيعي جدا عن طريق الاحتلام ... والعادة السريه عم تستبق الشي الطبيعي ، فلابد يكون الها سلبيات ولو بسيطه