Ville Valo مطرب فرقة الهيم ، كل اغاني عن الحب و الرومنسيه و انو محطم من حبيبتو و انو ممكن يعمل اي شي لحبيبتو و من هل حكي هاد كيفو علمتو عبدة شيطان ما بعرف ؟؟؟
وهاد المغني تبع فرقة توكيو هوتيل يلي حكينا عنهم على انهم ايمو يعني نمطهم و شكلهم ايمو مو شايف كشلو كيف يا رجل اي شيطان هاد بدو يعبد شكلو بيخاف من البرغشه ....
هلأ الشي التاني انو هل موضوع من لما فتت على هل موقع لليوم يمكن انا بتزكر شفتو 5 مرات هاد غير فرات غيابي ، و كل مره نفس الشي و دائما بيكون الموضوع نص صح و نصو غلط ، طيب ليش ما بتعملو بحث وتشوفو بالمنتدى شو نكتب عن هل موضوع بالذات ؟؟؟
وهلا متل ما زكرت الاخت سمسا 57 لو كنت كاتبو صح اليزيده يعتبرو طائفه تقدس الشيطان و هيه بشمال سوريا و هل حكي مو من عندي ممكن تتاكدو منهم ، ما بياكلو الخس لعتقدهم انو الشيطان يكسن داخله و اليزيد رسمو دائره حوليه مستحيل يطلع منها لتفتحلو خط فيها لانو بيقول انو الشيطان حابسني و غيرو شغلات كتير ؟؟
وبالنسبه للاخ هاكونا متاتا اخي الكريم نمط ال DEATH نمط لا يعبر عن كره الله و يا ريتكم تقرأو اكتر عن بداية هل نمط و كيف نشأ هل نمط اول من ساو كان اسمو تشوك تشلدرن و هوه يلي عمل فرقة ال DEATH فكرتو من هل نمط كانت التكلم عن الموت و عن الامراض المميته و عن حياة الموت بس ما كان كرهان الله لانو هوه ما كان عبدة شيطان ولا شي وممكن تتاكدو من هل شي عن طريق البحث لانو لو بدي اشرح لح اخود اكبر من الموضوع شرح بس عن هل نمط ، وللعلم كمان هوه بلش بهل نمط لانو كان معو سرطان بالمخ و كان عرفان انو لح يموت بالاخير فعمل هل نمط ليحكي للعالم عن الموت ...
المرشديه شي تاني بعيد عن عبدة الشيطان بتوقع مكانها مو هون
هلا اخر شي انا صرلي بسمع ميتل 15 سنه يمكن و لكني لا عبدة شيطان ولا عبدة حمار ، يعني مو كل مين ما سمع صار عبده للاسف بسوريا بيسمعو ميتل بيحكو عبده وهل حكي بس معظمهم اطفال او متل ما بنسميهم اطفال الميتل ، يعني مشكلة الشعب العربي رابط دائما عبدة الشيطان بالمتل و الروك دائما بس ، فرقة الميتل اكبر من فرقة عبدة الشيطان اوكي في فرق عبدة شيطان كتير و في فرق بتخوف و في فرق وصلة لمرحله صارت مرض بس هاد مو معناه انو كل الفرق صارة عبده يا ريت تفرقو بهل شغلات ولو شوي ...
طبعا انا لح تابع هل موضوع لشوف شو اخرتها و لاي سؤال انا كمان حاظر للجواب عليه ، لانو بردي ما بتوقع اني غطية كل الجوانب تبع الموضوع...
و دمتم
卍»•ஐThere Is No SadnesS Without Joy,And There Is No Joy Without Pain ஐ•«卍
كيف اتوبك يا اطهر ذنوبي و اوقف عند حدي و انت ذنب لا غفره الله لي ولا لي عنه توبه
كتب الله أن تكون دمشق بك يبدأ وينتهي التكوين
أهي مجنونة بشوقي إليها هذه الشام أم أنا المجنون