اقتباس:
|
كاتب النص الأصلي : أبو طريق
نحنا العرب لو نهتم شوي بالعلم، شوي ها، مو كتييييير، يعني منحسن وضع المدارس و الجامعات، مندعم البحوث العلمية بكافة المجالات، مندعم أصحاب المبادرات العلمية الجديدة و منسهلن أبحاثن، و منوعي الشعب عأهمية العلم للأجيال بمختلف أعمارها و منقضي على ظاهرة الشيوخ و الرهبان و ما يتبعها من إفتاءات و تحريم و تكفير و عنصرية و تطرف، إي مو بس منلغي اسرائيل، منمحيها محي من الوجود، لك حتى منقدر نمحيها من ذاكرة العالم، بس اسرائيل عرفانة شو عمتعمل، عرفانة شو تحط حكام بالوطن العربي، حاطة 22 حاكم عالعرب و شوية أحزاب و حركات، الوظيفة الرئيسية إلون القضاء عالعلم و نشر التخلف و التطرف و خلق الفوضى و دائما تخلي المنطقة في صراع و مشاكل بالوقت اللي 70% من ميزانية اسرائيل رايحة عالعلم و الأبحاث بكافة المجالات، و بالأخص المجال الفلكي أو الفضائي و المجال النووي..
|
مافيني غير وافقك على موضوع البحث العلمي من جهة : اسرائيل مشهورة بعض صناعات الأدوية و الأسلحة و الزراعة خاصة التطوير الوراثي للمرزوعات
العلم و البحث و التطوير العلمي شغلات مو معقدة ابدا بس بدها الإرداة من الحكومات لأنو الشعب متحمس كتير
الشغلة التانية هي الحرية طبعا المواطن الحر بيشتغل بكل حرية لمصلحة بلدو بينما المقموع ما بيطلع بأيدو شي
اقتباس:
|
و اسرائيل رح تزول بيوم من الأيام، و قريبا إنشالله، لأن الأجيال العربية الجاية و بالذات اللي تربو بالغرب أو ببيئات منفتحة، رح يعرفوا اللعبة و يعرفوا غلط الأجيال اللي قبلن، و يصلحوا اللي انتزع، و يلغوا اسرائيل من الوجود، و اللي رح يروح اسرائيل هوي غطرستها و غرورها، و تماديها بالإرهاب و الفساد و القتل الإجرامي. و الأيام وحدها رح تثبت هالشي
|
لنشوف شو هالأجيال فيها تعمل.. على مبدأ تفائلوا بالخير تجدوه