[oliver68]

كاتب النص الأصلي : Danito

بصراحة بعيدا عن الاماني و على ارض الواقع ما في شي بيقول انو اسرائيل زائلة إلا لسبب واحد و هو الإصرار على العنف و الإرهاب و رفض ترسيم حدودها و الاندماج مع دول الجوار

اكيد هالحكي مؤلم لناحية الإقرار بوجودها بس هالشي تم من عقود حتى بسوريا، هلق في خضم اللي عم بيصير و خاصة الاصوات اللي عم تهول من المواجهة مو مطلوب مواجهة و لكن فينا نلوح بالمواجهة و نتحدى و نضغط و نستخدم لغة دبلوماسية اقوى هي هي الفكرة من كل الموضوع

يعني اسرائيل بتكون بوضع محرج و تصريحاتها بتطلع كما لو انهم اجتاحو بيروت و دمشق و هي الها تأثير نفسي و كمان لما نحنا منطالع تصريحات قوية أقوى من اللي طلعت و لم منتحدى الحصار الجوي و البري المفروض على لبنان على الاقل كانت مثل طياراتنا الحربية تحمي الطيارتين البلجيكيات تبع المساعدات، منهدد انو إذا اسرائيل ضربت نضرب طياراتها او نبع مضادات و اسلحة دفاع جوي للبنان و فينا "نفلت" بالمحافل الدولية انو نحنا ما بدنا موافقات من حدا لنساعد اخوتنا بلبنان بعدين فينا نكثف حملة الدفاع عن حزب الله بالتعاون مع العربان لأنو ايران بالأصل موصومة انها مشكلجية (نووي و حركات) يعني القضية الاعلامية مهمة كمان و روسيا طلعو قائمة ارهابية ما شملو فيها حزب الله و لا حماس و حتى عنان قال حزب الله مو مثل القاعدة و الفرنسيين و حتى الاسرائيليين نفسهم بيعرفو انو حزب الله جزأ من لبنان و من شعب و حكومة لبنان يعني ليش ما منعمل مثل أولمرت؟ هو بيضل عميكرر انو في عرب عم يدعمو الحرب من كم تصريح طلع، نحنا فينا نتحالف مع الحكومة تبع 14 آذار و نسقط الاسرائيليين أو على القليلة نسخلون كف مرتب بالمحافل الإعلامية الدولية بس فالج لا تعالج فالج لا تعالج

مو قصة فالج لا تعالج، قصة سيناريو بدو يمشي، مسرحية بدها تنعرض، و كل واحد بدو يمثل دورو متل مو مكتوب، مو أكتر.
أما اسرائيل فصدقني لا اسطورة ولاشي، نحنا العرب لو نهتم شوي بالعلم، شوي ها، مو كتييييير، يعني منحسن وضع المدارس و الجامعات، مندعم البحوث العلمية بكافة المجالات، مندعم أصحاب المبادرات العلمية الجديدة و منسهلن أبحاثن، و منوعي الشعب عأهمية العلم للأجيال بمختلف أعمارها و منقضي على ظاهرة الشيوخ و الرهبان و ما يتبعها من إفتاءات و تحريم و تكفير و عنصرية و تطرف، إي مو بس منلغي اسرائيل، منمحيها محي من الوجود، لك حتى منقدر نمحيها من ذاكرة العالم، بس اسرائيل عرفانة شو عمتعمل، عرفانة شو تحط حكام بالوطن العربي، حاطة 22 حاكم عالعرب و شوية أحزاب و حركات، الوظيفة الرئيسية إلون القضاء عالعلم و نشر التخلف و التطرف و خلق الفوضى و دائما تخلي المنطقة في صراع و مشاكل بالوقت اللي 70% من ميزانية اسرائيل رايحة عالعلم و الأبحاث بكافة المجالات، و بالأخص المجال الفلكي أو الفضائي و المجال النووي.
و اسرائيل رح تزول بيوم من الأيام، و قريبا إنشالله، لأن الأجيال العربية الجاية و بالذات اللي تربو بالغرب أو ببيئات منفتحة، رح يعرفوا اللعبة و يعرفوا غلط الأجيال اللي قبلن، و يصلحوا اللي انتزع، و يلغوا اسرائيل من الوجود، و اللي رح يروح اسرائيل هوي غطرستها و غرورها، و تماديها بالإرهاب و الفساد و القتل الإجرامي. و الأيام وحدها رح تثبت هالشي.