[أم الجود]

كاتب النص الأصلي : عطر المغرب

حبيبتي ما قلت عندكم بسوريا ما تقوليني شي ما قلتو
انا بحكي بالعامية
ويمكن الكل بيعرف بغلاوت هالبلد عندي
المهم
شلون الاطفال بتقلد حبيبتي بكفي انهم يشفو هيك علاقة بين تنين
واكيد الناس رح تحكي وهالاطفال الي رح يكبرو بهالمجتمع رح يكبرو
وبالنهاية اكيد بدهم يقلدو
فهمتي قصدي لما لسا

لا والله لسا
كيف بدهن الأطفال يشوفوا علاقة هالشخصين و يقلدوها ما زال العلاقة عم تتم بالبيت ؟!! يعني بدهن يصوروا حالن بكاميرا و يبعتوا الشريط لقناة سبيس تون لحتى تبثو بفترة بعد الضهر ؟!!
هون صرتي عم تحكي عن الجنس بشكل عام و المساكنة ما عاد إلها دخل بالموضوع ... إذا قصدك انو الأطفال رح يقلدوا بأنن هنن كمان رح يساكنوا فهالشي أكيد مو ممكن لأنو ما في طفل بيقدر يستأجر بيت و يسكن فيه مع بنت الجيران أو رفيقتو بالحضانة .. و إذا قصدك بس كبروا فهنن وقتا بيكونوا صاروا بالغين راشدين و مسؤولين عن حالن و أفعالن ...

كاتب النص الأصلي : عطر المغرب

حبيبتي ادا تنين متزوجين وبيغلطو بالعد بهالوسائل الي سميتيها وسائل منع حمل
كيف التنين الي مو متزوجين
حبيبتي كل بني ادم خطاء والانسان بيغلط بكل شيء
شلون بهيك شي
وادا تقدر انه البنت تحبل لاوسائل منع حمل ولا غيرهم رح يمنعو هالشي
قدر وما شاء فعل
جد فكرو بالموضوع إجابيا
لانه هالشي بالنهايا بنكون نحن المسؤولين عليه

شو خص الزواج أو عدمو بالشطارة بالعد ؟! أصلاً مين قال انو منع الحمل بيصير بس بالعد ؟!!
المساكنة أنا بشوفا (من حيث التطبيق) متل الزواج .. الفرق هو بس انو بالمساكنة ما في عقد بينظم هالشي متل بالزواج .. لما بقول إني مع المساكنة مو معناتا انو كل كام يوم روح أسكن مع شب .. حتى هون بفرنسا لما شب و بنت بيقرروا يعيشوا سوا بيكونوا وصلوا بعلاقتن لمرحلة كتير متقدمة و فهموا بعضن منيح و تعتبر المساكنة بمثابة -الخطبة- عنا و في حال انسجموا مع بعض بيتزوجوا و بينجبوا .. أكيد اليوم بمجتمعنا هالشي صعب كتير انو يتحقق .. بس أنا بالنهاية ما بشوفو شي غلط (إذا بدنا ننظرلو بتجرد عن الدين) خاصةً انو بيخفض بدرجة كبيرة نسبة الطلاقات اللي عم توقع نتيجة عدم التوافق و الإنسجام ...