[قرصان الأدرياتيك]

أول شي حلو الواحد يسلم على أهل المجلس، وتاني شي يعني يا أب طوني عم بتدور عَ جماعة وما بتعرف تكتب اسمن، روح صلح العنوان اسمن "شهود يهوه" وبالإيطالية Testimoni di Geova وهكذا الحال في كل اللغات اللاتينية. و"يهوه" هو اسم الله كما ورد في عبرانيّة العهد القديم، وهو أقدس الأسماء عند اليهود، ولا يُمكن لليهوديّ أن يلفظه بل يستعيض عنه بكلمة باسم "أدوناي" العبري ويعني "الرب" أو "السيّد". وتالت شي لازم تعرف أنّو السلطات السوريّة مانعة هالجماعة، وأي واحد يشتبه فيه بأنو منن بيعتقل، بس طبعاً لازم أدلّة وما إلى هنالك، من هيك تشوفن كتير بسورية لأنن بيختفوا تحت أسماء الكنائس والرعايا وخلال التبشير بيبشروا بمعتقداتن. هي الجماعة تأسست بالولايات المتحدة الأميركيّة على إيد Charles Taze Russell سنة 1874. أساس اعتقادن هو الإيمان بالكتاب المقدس بشكل حرفي، يعني تطبيق الشرائع حرفياً! وما بيعترفوا أنو يسوع هو الله، بيآمنوا أنو هو كان إنسان والله تبناه خلال العماد وهو خليقة متلو متل غيرو بس مميز بالنبوءة وما إلى هنالك! مشهورين هالجماعة بالتبشير وباعتقاداتن الألفيّة. وهيك بكام سطر لخصتلك قصتنا وحكوياتنا بعيداً عن أي تشويه أو أي تحزب أو أي اتهام... وإذا بدك تنتمي ألنا فمن عيوني بعرفك على رئيس جماعتنا ويا ميت ألف هلا فيك.