اقتباس:
كاتب النص الأصلي : was616im
خيو طيب سؤال بس بتمنى انو ما يكون خارج عن الموضوع.....
هل تعتقد ان الطفل ممكن ينشء تنشئة مختلفة عن البيئة المحيطة به؟؟و شو الاسباب؟
يعني انو مثلا منلاقي طلاب بيروحو عالمدارس و بيتلقوا كل شي نظامي و حسب مو مقرر و كمان اهلن بيكونوا متلزمين دينيا بس هنن بيطلعوا مختلفين عن التنين.......هاد نوع تالت كمان و بعتقد متواجد باعدادا لا باس بها.....
|
القصد مو انو يطلع مختلف عن الوسط المحيط فيه... القصد من التربية من أجل المواطنة انو يتعلم يكون مواطن, يتعلم معاني شغلات مهمة الأهل يجوز مو قادرين يوفروها, أمر مالو علاقة بالتربية الأسرية اللي هي من حق الأهل طبعا, و ما تتعارض معها أبدا.. بالعكس التربية المؤدلجة هي اللي تتعارض مع التربية الأسرية أحيانا, لأنو يكفي انو بالمدرسة يتعلم شي ايديولوجي , و بالبيت يسمع من أهلو شي مختلف لحتى يضيع, يا أما يهمل وحدة منهون تماما أو حتى كلاهما...
التربية من اجل المواطنة ما تعلّم الطفل شو بيفكر, انما كيف بيفكر, شو معنى فكر و شو الطريقة المثلى لتطبيق هالفكر, تعلمو يرتب أفكارو حسب أولويات معينة يعني شلون بدي قلك... ما تقلو لا تكون متدين... بس تقلو يا حبيبي اذا انت متدين هاد حقك, و جارك كمان حقو يكون متدين بغير دين و ما ينفي انو هو مواطن متلك متلو له ما لك و عليه ما عليك..و تحترمو و يحترمك و الوطن لألكون تنيناتكون.. انو ينشأ تنشئة دينية أو لأ هاي مو قضيتنا... ترجع للتربية اللي أخدها بالبيت و اذا هالتربية أثرت فيه أو لأ... هاد الجانب الفكري بهالنوع من التربية... طبعا في جوانب اخرى خاصة بالمدنية و التحضّر... قيمة المعرفة و قيمة العمل و أمور أخرى كثيرة