اقتباس:
كاتب النص الأصلي : jano.
هلا اذا التغى التاسع بسوريا مارح تتغير الأمور للأحسن، رح تزيد البلاوي أكتر.. لاسباب كتيرة منها الي ذكرو سام حول الوعي العامّ ونظرتنا للاختصاصات. بس السبب الأهم هوي أنو نظام التعليم بأي بلد مربوط بشكل مباشر وأساسي بالاقتصاد و فرص العمل.
لما بيكون عنّا فرص عمل رح يتطوّر نظام التعليم كمان.
كيف؟
أولاً بوجود فرص عمل بكافة المجالات (ضروري كتير بكافة المجالات) فممكن يتم الانتقاء وتقرير المصير بالمرحلة الابتدائية! يعني التاسع رح تكون مرحلة متأخرة كتير..
اذا أخدنا مثال ألمانيا الي ذكرو اممي، بنشوف أنو عم يتم الانتقاء مع التقدم بالسنين الدراسية على عدّة مراحل وحسب قدرات الطلاب ومستواهم. بس الشغلة الحلوة أنو حتى يلي بيتصنّف بأدنى مرحلة فيه يطوّر نفسو ويكمّل ليدرس بالجامعة حتى لو ما معو بكلوريا، بشرط أنو يعمل مهنة حرفيّة وينجح بامتحان القبول للفرع الي بدو يدرسو، هالامتحان بينعمل خصوصي لهالطلاب..
بالنهاية يلي ماخرجو غير أنو يشتغل عامل عادي بشي ورشة فرح يتأهل لهل مهنة بالمدرسة وبيتدرّب عند شي حرفي.. ويلي حاببين يشتغلو كسكرتير/ة او معاون طبيب أو كاتب عدل أو أو او فبيختصرو على حالون الدراسة الجامعية الطويلة وبيعملو مهنة حرفيّة لمدّة سنتين بهالمجال. وطلاب المدرسة الي بتقابل الثانوي عنّا بيكملو بالجامعة وهكذا.. طبعاً النظام الدراسي أعقد من هيك بكتير.. بس الفكرة هيي أنو عم يتم انتقاء الطلاب لكل مهنة بحسب قدراتهم بدءاً من المراحل الدراسية الأولى ويتم تأهيلهم لهل مهنة على أكمل وجه... ويلي حابب يكمل جامعة فيه يكمّل اذا أثبت كفائتو، طبعاً رح يتأخر سنة أو سنتين عن الطالب النظامي...
هلا بس يصير عنّا هيك شي، ماعاد الأب يجبر أبنو عالطب وماعاد الطالب يحتار شو رح يدرس/يشتغل.. لأنو فرص العمل موجودة من ناحية (إن كان الدخل عالحد الادنى أو دخل عالمستوى الرفيع) ومن ناحية تانية القانون بيفرض عليك انك تروح ع هالمدرسة او ع هديك بحسب مستواك...
للملاحظة: نظام التعليم الالماني (ما قبل الجامعة) بيجي بعد نظام فنلندا او السويد بشي 15 مرتبة على مستوى العالم! فيعني  في شروط تانية كتيرة ماحكينا عنها متل جودة التعليم والاهتمام بالطلاب والتجهيزات والامور التربوية و و و و
لهيك انسولنا قصّة التاسع لانها لا بتقدّم ولا بتأخر.
طبعاً المقارنة ما بتعني أنو المفروض نصير بين ليلة وضحاها متل غير بلدان، بس في كتير امور تانية لازم تتغير قبل ما نفكر بالتاسع.. |
هلأ ترا كلامك كتير مهم بخصوص فرص العمل .. وتوزيعا ع الطلاب وهيك والنقص فيا
وكلام بمحلو ..
بس مع هيك متل مازكرت قبل شوي يازلمة انو في طلاب عبتبطل من صف السابع من خوفا من شهادة التاسع !!!
انو بشرفك مو حرام يازلمة .. انو بالمانيا والدول اللي انزكرت يازلمة في اخد وعطي وطلعات ودخلات وتحديد مستوى وخلافو .. ومافينا نعمل مقارنة يازلمة
ااما عنا بهالنظام القديم مافي يازلمة يابتجمع وبتدخل عامة ياما حيالله شغلة تانية متل قلتا .. يازلمة هي لحالا بتوتر اكبر طالب .. فكيف ازا كان عمرو 15 سنة ويمكن لو كان طبيعي ومافي كل هالتوتر بهالمرحلة كتير من هالطلاب اللي مبطلة تكون مع الدكاترة والمهندسين هلأ
ومشان فرص العمل بيني وبينك انا من وجهة نظري انو حدا ستين جهنم فرص العمل كلا .. وان شاء الله عمرا ماتكفي .. اكتر من بلاد الله مافي .. والواحد يشيل غراضو ويسافر .. وبكفي انو مهندس او دكتور او صيدلي مثلا .. وطبعا شقد ماكان باي بلد تاني رح تزبط امورو احسن من البلد عنا بالف مرة .. بس بكفي انو بايدو شهادة
وبلا فرص عمل بلا هم ...
