اقتباس:
كاتب النص الأصلي : قرصان الأدرياتيك
يا صديقي بدول أوروبا كمان في أنظمة تشابه نظامنا... مثلاً الثانويّة بهولندا عندن أكتر من درجة: الدرجة الأولى فقط تخولهن يفوتوا عالجامعة مباشرةً، أمّا طلاب الدرجة الثانية فيفوتوا معاهد وهكذا...
 .
|
هلأ انا مافهمت الفكرة تماما .. بس انو من خلال اللي فهمتو انو انت عبتحكي هالحكي ع بصير بالمرحلة الثانوية للطالب .. او مشابه لشهادة البكالوريا عنا .. يلي بكون الطالب صار عمرو بحدود ال18 ..
بينما عنا القصة بتختلف من حيث انو الولد لسه صف تاسع .. وعمرو ماتعدا ال15 سنة وبكير كتير ع قصة الامتحان والضغط النفسي هادا ... وهادا اللي قصدتو انا معلم
اقتباس:
كاتب النص الأصلي : اممي
عفكرة انا ضد طرحك تماما
ان بعتقد 15 سنة سن كتير طبيعي منشان ياخد مسولية شوي يعني كأن الواحد نازم يضل دلوع امو ليفوت الجامعة
وفي اختراع تاني
هلق الالمان ...في احسن من الالمان
الالمان بعد الصف الرابع بيجي الاستاذ بينقي الطلاب الي بيستحقو حسب نظرتو الشخصية من راح يفوت عام ومين راح يفوت صناعي ومين ماراح يفوت شي
عفكرة بالمقارنة بين نظامنا الدراسي والنظام الالماني فنضامنا بيحنن
عند الالمان في عندن اختراع اسمو هاوبت شوله (يعني مدرسة اساسيه)هاي عشر صفوف كل همها ان تولد حمار مابيفهم ولا فيه يكفر بين قوسين بتنتج عاهات كل قدرتهن بهالحياة ان بيسكرو بينيك... وبيشتغلو كعمال درجة تانيه
وهاي بتشكل نسبة توصل ل40 % من المدارس هون
القسم التاني من المدارس هوه الريال شولة (المدارس الجقيقية) ان بيدرسو الطالب فيها شويه انكليزي وشويه علوم بس مناهجها ماهاد الي بتسمع عنو وبتولد اخر شي حرفيين فيهن يفوتو لجامعات مهنيه
اللعبة الحقيرة عندن ان الي صفا من هالشبيبة والي مابيتعدو اكثر من 30 ل25 بالمية هنن الي بيشتغلو عليهن
يعني منهاج متطور اساتذه فضيعين امكانيات جبارة باعتبار ان هدول الي راح يفوتو جامعة وتطور البلد عليهن
بس لو بترجع للحقيقة ان مستقبل هالانسان بيتحدد بعمر 10 سنين فليش عم تعتب علي نظامنا ؟
|
هلأ مابعرف يمكن صعبة شوي ازا قارنا نظام التعليم بالمانيا بنظام التعليم عنا .. يعني مابعرف انا مالي قاعد بالمانيا ولا رحت قبل مرة .. ولا كتير بحقلي اتفلسف بخصوصا بس مع هيك بظن صعبة هالمقارنة
شقد ماكان هالشي بكون عندن مدروس ومخططلو اما نحن يامعلم انظمتنا بالبية ومتعفنة وبدا اعادة صياغة من اول وجديد .. وتحديث وتطوير .. وبينما هني مابظن انو هني هيك
تاني شي هي النقطة السلبية بالموضوع واللي زكرتا انت انو بينسمح للاستاز هو يحدد ازا هالطالب بدخل عامة او لأ ..
انا وقفت عندا شوي لانو صعب تخلي انسان يتحكم بمصير انسان .. يعني حتى كان هالانسان ملاك او تحت الله بدرجة كمان الا مايكون في شوية حسابات شخصية بالقصة .. فانو استوقفتني هالقصة
تاني شي قصة الصفوف اللي زكرتا هي بعيدة شوي هالفكرة عنا .. بس انو كمان نوعا ما مو متل قصة التاسع عنا
يعني هلأ ع حسب كلامك بتم تصنيفن ع كيف الاستاز مو ع حسابات امتحانات وضغط نفسي وخلافو
القصة عنا واللي عبحاول انو احكي فيا انو حرام هالطالب عنا اللي عمرو 15 سنة بنحط تحت هيك ضغط وخصوصي انو صارت عنا شهادة البروفي بالنسبة لبعض الاهالي ابشع من البكالوريا يازلمة
هلأ انت معك حق انو مي مزبوط بدو يضل بحضن امو .. بس كمان يا اخي صعبة .. عنجد في كتير خلق بطلت من صف السابع مشان شهادة التاسع وبسبب خوفن منا .. مع انو هني لو بقدموا يمكن يجيبوا شي خيالي !!!
انو مو حرام كرمال هيك وهم يضيع مستقبل كتير خلق .. وعنجد هدول فئة كتير كبيرة .. بقى انو هيك تجربة بتهوي .. ولا يضيع مستقبل الطالب ؟؟
شقد ماكان مابظن لهلأ انو في دولة عبتتبع نفس النظام المعت اللي عنا .. رحت تقلي بالمانيا والخ .. بس مع هيك كمان مابظن نفس الفكرة اللي عنا .. انو بتحدد مستقبل طالب من غمر ال15 سنة ..