اقتباس:
كاتب النص الأصلي : zen
أمة عربية واحد ذات رسالة خالدة
معقولة مو سمعان في
يعني انو اذا راحت خيرات من هالوطن للكويت
ما بتكون عم تروح لحدا غريب ما نحنا الكل واحد
أمة وحدة
أبو مارررل
يعني أبدعت
 |
شكرا زين.. و يعني سمعان كتير بهالشعار... زيادة عن اللزوم سمعان فيه
اقتباس:
كاتب النص الأصلي : ooopss
سؤال نملك إجابته ولا نستطيع النطق بها ..
حلوة جدا
ناطرين الباقي
|
أهلا
فعلا الاجابة لا نستطيع النطق بها... لأنو
الخوف يربط اللسان
الباقي كل ثلاثاء على شاشة المنبر الحر
اقتباس:
كاتب النص الأصلي : VivaSyria
أحياناً يجب علينا أن نشكر "الله" على وجود مايسمى بالعقوبات الأميركية والحظر على مايسمى بالمواد المتعددة الاستعمال أو وسائل النقل أو الأسلحة لأنها بشكل أو بأخر وضعت حد معين لفساد الشباب الطيبة...
كمثال صفقة الإيرباص الماضية والتي أبرمها مفيد عبد الكريم بعد اجتماع حافظ الأسد بجاك شيراك والتي كالعادة تحمل مسؤوليتها منفرداً أحد كباش الفداء...
سؤال بديهي لو كان وضع سوريا كوضع أي دولة وتستطيع استيراد وابرام الصفقات مع اي دولة دون وجود أي حظر أو ضوابط فلنتخيل حجم الرشاوي... كم سرقة 400 مليون دولار كنا سنشاهد؟؟ كم تزوير مواصفات كنا سوف نشاهد؟؟ كم من المعدات المستعمله التي كنا سوف نستوردها على أنها جديدة؟؟؟
فلنشكر "الله" على الحصار الأميركي...
حول مؤسسة الطيران السورية:
هل كل ما جرى في السنوات الأخيرة من تراجع في القدرة التشغيلية للشركة السورية للطيران، وانخفاض عدد طائراتها، وتراجع أداءها بشكل كارثي، مرتبط بالمقاطعة المفروضة على سوريا من الولايات المتحدة؟
أم كان انهيار مؤسسة تمتلك كل المقاييس لتكون رابحة بجدارة، هو دليل على خطة تستهدف بيع هذه المؤسسة للقطاع الخاص (خصخصتها) وكما نعرف الخصخة بسوريا اليوم تعني ضمها لمجموعة سيريتل؟؟!! خاصة بعد التصريحات التمهيدية لمسؤولي وزارة النقل ومؤسسة الطيران بأنهم يؤمنون بشكل كامل بضرورة خصخصة المؤسسة!!!
حتى خسارة مؤسساتنا باتت مبرمجه...
ودمتم
|
لازم يكتبو كتاب اسمو: كيفية التمهيد الاقتصادي و السياسي و الاعلامي للخصخصة... غلبو المصاروة بهالحركة..
و قريت كمان (بجريدة تشرين على ما اعتقد) انو رح يكون في اتفاق بين السورية للطيران و الشركة الجديدة, و هالاتفاق يقضي انو السورية للطيران تتخلى للشركة الجديدة (موجود مين صحابها فوق, و لمن لا يعلم فإن المساهم الأكبر في الشام القابضة هو رامي مخلوف قدّس الله سرة) عن كل المحطات القريبة (أقل من 3000 مدري 4000 كيلو متر)
طيب تعو نقرا هالاتفاق اللي نازل ضمن تطبيل و تزمير للقطاع الخاص الوطني اللي عم يشتغل للبلد:
تقريبا المحطات القريبة اللي تدخل ضمن هالدائرة ( اللي رح تتخلى عنها الدولة لصالح الشركة) :
محطات الكويت
محطات السعودية
محطات الامارات
محطات مصر
محطات تركيا
محطات العراق
محطات الأردن
محطات قبرص
محطات اليونان
محطات ايران (هون السورية بعتقد رح تظل لأنو رحلة مشتركة صايرة مع الخطوط الايرانية و الفنزويلية)
محطات قطر
محطات البحرين
الخ الخ الخ
يعني 80% من المهاجرين السوريين رح يضطرو يتعاملو مع الشركة الخاصة الجديدة.. و أما شو مربح..
و على اعتبار السورية للطيران ما بتطير إلى أميركا.. فبيظللها:
الباكستان
ليبيا
تونس
المغرب
السودان
هالكام محطة اللي ظلو بأوربا (و اللي عدا فترة الصيف لما بيركبوها الناس اللي يجو من أميركا لأنو بيجو مثلا بالأميركية لمدريد و من مدريد ياخدو السورية) عدا هالفترة ركاب الطيارات ما بيطلعو عشرين او 30 راكب
السورية للطيران عندا 5000 موظف بملاكها و عندا 5 طائرات (يعني 1000 موظف لكل طائرة.. أرقام عامة هاي و نشروها بجريدة تشرين الرسمية)
حرام بلد محوري مثل سوريا ممكن يشكل طيران الترانزيت و دخل شركة طيران قوية فيه تكون ربط بين الشرق الأقصى (هلأ حركة الطيران عالصين و اليابان و الهند على أبو جنب.. و ممكن نكون محطة ربط هامة جدا بين أوربا الغربية و هالبلدان) .. يعني محطات قوية و شركة طيران قوية ممكن تكون مصدر هام جدا للدخل القومي.. و لكن شو عنا هلأ؟
شركة عامة خاسرة و هزيلة
شركة خاصة رح تعمل حسابات تجارية آنية دون خطط تطويرية الا ما يهم مصلحتها الربحية فقط لا غير..
و عم مين رايحة؟ عالمواطن السوري بالداخل لأنو في جزء من الدخل القومي عم يروح لبرا جيب الدولة (جيبنا كلنا.. مال الدولة مالنا كلنا.. مو مال يهود متل ما يفكر البعض), و المهاجر السوري لأنو حتى شركة وطنية تنقلو ما رح يكون في...