[الشاذلي]

في البداية نحنا منعزي الشعب اللبناني الشقيق على وفاة بيار الجميل بغض النظر عن اعماله ان كانت سلبية او ايجابية ومثل ما بقولوا الرحمة بتحوز على الحي والميت

الدنيا اليوم انقلبت بهاي العملية ومثل ما قالوا العرب بأمثالهن الحكيمة " رُب ضارة نافعه " لانه هاي العملية رغم انها كانت عاطلة على التيارات السياسية اللبنانية الا انه كانت رائعه لعدة فئات من الناس منها

سعد الحريري وسمير جعجع وجنبلاط الي عملوا حالهن يبكوا لما سمعوا بوفاة بيار هذول أول المستفيدين ( اذا ما كانوا هني الي قتلوه ) واستفادوا هني من هالشي لعدة اسباب السبب الأول منشان يتهموا سوريا بهذا الموضوع للتخلص منها ومن نظامها الباسل الي عم بذايقهن والي براقب كل تحركاتهن والسبب الثاني هو انه بسبب هالعملية تأجلت المحكمة الدولية وتأجلت قصص الخيار بين الاحزاب من النزول للشارع او لاجراء انتخابات لتغيير الحكم
الناس الثانيين المستفيدين من هالشي هني اسرائيل وأمريكا والسبب نفسه الي هو انه بدهن شغلة صغيرة تصير بالعالم ليتهموا سوريا ويصير عندهن حجة انهن يدخلوها

منشان هيك ما منقدر نقول غير الله يستر من الي جاي