[Government]

كاتب النص الأصلي : L.A.

هادا يا سيدي أنا كمان سمعت خرطة من مدربنا الفتوة (أيام مادة الفتوة) شبيهة بقصة رفيقك الخراط و (طبعا نحن كنّا نتفاعل مع أي موضوع يحكيه خوفا من العقوبة)

بحصة من الحصص....سألنا المدرب بتعرفو هداك اليوم شو صار معي ؟
قال كان ماشي عل 220 بموطور أبو دولابين بالصحرا و ما حس ولاّ خلصوا البنزينات معو و هو بنص الصحرا و صاحبنا ما معو غير مسدس فيه طلقة وحدة بس
و بينما كان عم ايفكر بطريقة.....سمع صوت من فوق.....اتطلع هيك و إز طيارة حلب_دمشق مرقت من فوقو بالزبط
قال مالكون عليي يمين سحبت هل المسدس و ضربت الطلقة الوحيدة بخزان بنزين الطيارة (مع إنو كيروسين) و نزل البنزين و شك بنص دبّو الموطور
قال شغلت دغري و مشيت و وصلت لحلب قبل الطيارة بربع ساعة

ع فكرة هالخرطة كتبر منتشرة صلا مدة
رفيقي حكالي ياها عن واحد راويلي ياها .. انا ماحضرت الخراط بس رفيقي حكالي عنو خرط عليه هالخرطة كمان