Abu Guzef
ههه يلا بلا ما نلبكك هلق مالك فاضي بس يلا في إلنا مواجهة تانية مع انو فارق السكور ما كان كبير كتير
اي منيح مني والله جبت هالسكور مع اللبكة يللي كنت فيا هون
لزلك من هلق لوقتا مسيك تسلا خليني أستغل انشغالك بالمقلاية وإتحداك وخسرك شوي هههه
هات لنشوف عطيني رأيك بالتالي :
-----------------
الإنسان
مخلوق بيضلو تابع .. عطول بيتبع يللي قبلو بتصرفاتو .. ما عندو استقلال بتصرفاتو .. مصلحجي غالباً وانتهازي غالباً .. بس مع هيك بحبو
الله
اقتباس:
الله رحيم .. بأعتبار أنا روحاني .. بأمن بـ الله وبس فـ بشوفو غير ما الدينيين يشوفوه .. هو شي أنبل من هيك .. لو على حكي الدينيين فـ انا بشوف الله شي كتير ظالم وتعسفي وطاغي ..
|
-------------------
الدين
اقتباس:
الاديان مو صحبة أبداً .. لا هني بيعترفوا فيني .. ولا انا بثق فيون
|
الطائفية
بكرها بشدة .. بكره كل واحد بيكون تعاملو مع الآخرين ع اساس ديني وبس .. الطائفي صعب بتقبل الاخرين المختلفين حتى ولو كان هالمختلف من نفس دينو .. بس هو ما بيقدر يتقبل غيرو .. غالباً بيحب حالو كتير .. ودائماً اعتقاداتو هني الصح وما بيقبل الاراء المختلفة .. بشكل عام الطائفي حقود درج أولى
الإلحاد
ما ضروري كون ملحد لـ حب الإلحاد .. بس بحب الإلحاد .. بعتقد الملحدين ناس تركوا التفكير الديني وتعقيداتو ع جنب وبديوا يفكروا بالامور الآخرى ويصلوا .. في كتير ملحدين ما بيفصحوا عن حالون أنون ملحدين وهادا بسميه جبن ..
العلمانية
اقتباس:
العلمانية الحل الأمثل للدول المتعددة الطوائف .. وكمان هو الوجه الأول للتقدّم
|
---------------------------
السياسة
حلوة مرات ومعتّة مرات .. بس هي شي ما بنقدر نستغني عنو وخاصة نحن السوريين .. اوضاعنا ما بتسمحلنا انو نكون غير سياسيين .. بغض النظر عن طريقة تفكير كل شخص بالسياسة .. بس ما بعتقد في سوري ما بيعرف مين حسن نصر الله مثلاً أو مين بوش .. ع عكس المجتمعات التانية يللي حتى في منون ما بيعرفوا مين رئيس دولتها
امريكا
دولة قوية عسكرياً بس غبية .. شعبها غبي وغير مثقف كفاية .. دولة صناعية اكتر منها سياسية .. إذا بتدخلون بالسياسية بيضيعوا بسرعة
سوريا
اقتباس:
سوريا كل شي .. كل سوري لازم بفتخر بسوريتو .. بيكفي أنها مهد الجميع
|
العراق
وطن ضايع حالياً .. كل من يدعي أنو هو الأحق فيه .. عم تشتغل الصراعات الطائفية فيا لدرجة القرف .. للأسف العراق بلد المثقفين سيطر عليها المتخلفين .. يا خوفي يصير هالشي بسوريا ..
الجولان
من لما ولدت وهي محتلة .. فـ ما كتير عشت بالجو .. بس يعني بتمنى ترجع لأنها سورية .. متلا متل لواء اسكندرون .. ولو انو اللواء قصة منتهية
--------------
مين اقرب واحد الك هون
كيوتي
مين ابعد واحد
كيف يعني ما كللون بعاد إلا كم واحد .. شو هالسؤال هاد
معك 5 وردات لمين بتهديهون
كيوتي - ريتا - ريم - حسون - عابد
وخمس شوكات لمين
هه حلوة هاي .. صاير الشوك عم ينهدى .. ما بقدر اقطف شوك بينبخشوا اصابيعي بعدين
معك 200 الف دولار لمين بتعطيهون
بتطلع بالمراية وبعطيهون ألو شو خلفت ونسيت هالشخص يللي بدي اعطيه ياهون
شو سيارتك
ما عندي سيارة خاصة فيني
وكم حادث سويت
ولا مرة
شو اول سيارة كانت عندك
يي عم قولك ما عندي سيارة خلصنا بقا
-------------------
كلمتين منك لاخوية
شكراً أخوية
شو عطتك اخوية
كتير كتير .. ثقفتني وحضنتني وعرفتني ع ناس حبيتون كتير
شو اخدت منك ( غير الوقت )
أخدت مني شوي خصوصياتي يللي كنت محافظ عليها نوعاً ما
-------------
تكنولوجيا:
_________
شو نوع موبايلك
سوني
شو اخر رقم بموبايلك
ما حزرت هالمرة
كمبيوترك مواصفاتو عالماشي
معالج 3.20 غيغا انتل , هارد 80 غيغا , كرت شاشة 512 , ناسخة ديفيدي , زر يشغل ويطفي الجهاز , زر وايرليس وبلوتوث , زر Mute ويعلي ويوطي الصوت , شاشة 17 WideScreen , عمرو سنتين .. ونسيت قول انو هو لابتوب
شو سرعة النت عندك
512
--------------
عالماشي
__________
شو نظريتك بالحياة
ازرع ازرع ولا تقطع
شو بتعنيلك الحياة
شيء ما وبعد فترة بنخلص منو للأبد
قديش معك بالبنك
مو شغلتك
مممم
طيبة مو ؟
بس بيكفوكي هدول راجعلك