GOVERMENT
مرحبا معلم كهربجي ..
منور المقلاية .
يا ميت اهلا وسهلا.. منورة بوجودك حبيبي
رأيك بهالاشخاص وبصراحة تامة
...
Gazita ما بعرفها يعني ما احتكيت معها أبداً
Reemi من أحسن الناس اللي كتير مشتهي اتعرف عليهون، رايقة وآخدة آراءها عن قناعة
marioma alghzayala ظريفة كتير وعندها اهتمامات كتيرة.. بعدين اللي بيشتغل بالموسقى مو حيا الله
hanny dagher يعني ما احتكيت معو مزبوط، بس على ما يبدو الشب كفو وما في منو
Willi خيو هاد فلم.. بيكتب مشاركات بتموت ضحك بس بيكون فيها شي يقتضي الحزف.. يعني جريء وعندو آراء كتير حلوة.. بعتقد هو من القلال اللي عندهن الصفتين مع بعض بأخوية
layla معلمتنا، ما عاد كتير شفتلها مشاركات.. بس خبرتها بأخوية وبالحياة واسعة
sezar سيزار موهوب كتير.. ما بعرف مهنياً إذا بتضحكو أنو قلو موهوب.. بس من شغلو بيبين معك قديشو رايق الزلمة، بعدين آراؤوا بتعجبني كمان..
sweetbaby حبابة كتير، ما كتير احتكيت معها بس شغلها بالإشراف بيعجبني
الحاج متولي شريك الحج ظريف، بس ما بعرف ليش بيعمل مشاكل أحياناً!!
maged-syrianبرأيي أنو ماجد هو المثال على الشب اللي عندو أفكار حلوة ومو عرفان يعبر عنها منيح.. صراحة يعني، بحترم فيه احترامو للآخر (ولو أحياناً) وبحس أنو أخوية ضافتلو شي
butterfly يمكن بيكفي قول انو المكتبة أحسن قسم بأخوية كنشاط وغنى.. وهاد الحكي صار بعد ما صارت ميمو مشرفة، يعني بتحكي عن حالها
وشم الجمال هلكتني بأسئلتها!! ما بعرفها قبل بس من الأسئلة بقول شكلها نقاقة
Syrian__Angel بالمنبر أحيان لولاها ما بيمشي الحال... حتى لما ما بتكون مشرفة أو منسقة بالقسم فهي بتساعد.. عندها روح فريق ممتازة
أبو شريك, ما بعرفو
Hashtnasht أستاذنا.. من بعد ما عملت الموضوع تبع pink floyd إجا الزلمة وعمل الموضوع موضوع محترم.. ومن وقتها بشوف شو عم يكتب وشو آراؤوا.. وأغلبها بيعجبني..
ASH أنا لهلق ما فهمت ليش النازية وهتلر لأني بكره الجوز كتيييير.. بس آش ما عندي أي مشكلة معو، بالعكس الشب حباب وظريف على ما يبدو..
ٍٍٍSyrian Gay يعني هاد الشب كمان هو من الناس اللي كتير عندي رغبة أتعرف عليه، الزلمة لأنو صريح ومنفتح، ويمكن هاد بيعملو مناضل أكتر من كتير مناضلين بالسياسة
Fares كبيرنا.. بس يكتب بدك تقرا بتمعن، لأنو بتعرف انو كل كلمة موزونة ومقصود محلها.. الزلمة كبيرنا عم قلك
Geeny حبابة كتير، ما بعرف عنها ما يكفي لقول ولا قريتلها كتير مشاركات لأنو ما منروح ع نفس الأقسام
yass في ناس بدك وقت لتاخد عليهن وتفهمهن.. ياس واحد من هدول وبتوقع أنا كمان هيك.. أنا كتير سعيد اني تعرفت عليه لأنو من الشباب اللي بفتخر أنهن سوريين
كهربجي أهبل وعالبركة
رادياما بعرفها
SABE ما صار فرصة لهلق لحاكيه بأي شي.. بس متل ما شفت أنو هو كتير حباب وبيفهم
HUS حكيم يا حكيم يا حكيم.. يا سيدي على أيام ما كانت شغالة أخوية دردشة تشات (طق حنك) حكيت معو مرة ما يقارب الساعتين يمكن.. وقتها فهمت شو هو هاد الزلمة وشوي شلون بيفكر.. وعم قلك هاد الزلمة ما في منو، يعني كلها أخوية وبناءها ووصولها لهون كلو من جهدو.. شي كبير اللي عملو.. بركي ان شاالله بيرجع بالسلامة
Barleb كتير ظريف وآراءنا بالسياسة متقاربة.. بس بحسو بيتهور شوي
باشق مجروح يعني مع انو حكيت معو لهاد الشب بس لهلق ما صحلي فرصة لاحكم عليه
the light صعب انك تلاقي شب متفهم ومنفتح وفهمان متلو... كمان بفتخر أنا أنو هو سوري
سرسورة ما في منها.. كتير حبابة وشغيلة.. المخلوقة عملت بحياتها أحسن من كتير بعرفهون وبأخوي كمان
محمد ابراهيم عن جد هاد الزلمة غريب.. لأنو كتير حباب وظريف.. وبيعرف يدافع عن آراؤوا بطريقة كتير منيحة.. بس يا أخي إلو آراء ما نهضمت معي!!! وطبعاً هاد لا يفسد للود قضية
GOVERMENT بقى هاد الفيلم التاني بأخوية.. أحياناً بيكتب المشاركة يمكن بدون قصد بيضحكني.. يعني من الحلبية القلال اللي بينهضمو صراحة!!
صياد الطيور بحترم فيه اقتناعو بشي معين ودفاعو عنو بس بختلف معو بآراء كتيرة، من المحاورين الجيدين واللي بقلك أنو أكيد بيحب بلدنا متلي متلو
اسير التشرد ما بعرف ليش هيك صار آخر شي.. أسير كان كتير تمام معي وما صار بيننا أي إشكال.. بس أنا كتير كنت ضد شي هو عملو.. ووقتها صار الإشكال
phoenixbird طارق شب كتير ظريف.. عندو مشاريع وأفكار حلوة.. بس المشكلة بطريقة تنفيذو لهي الأفكار..
the morrning كتبنا أنا وهي بمسابقة الخواطر سوا.. كان الشغل معها كتير مريح وهي أصلا بتكتب حلو..
COSTA نبيل من الناس اللي تعرفت عليهن بأخوية ومبسوط أني تعرفت عليه.. معارفو واسعة وأفكارو حلوة.. بيتسرع احياناً.. بس هي مو مشكلة كبيرة يعني.. الشب متل ما أنا شفتو لا غبار عليه!
handsome ما صار فرضة وتحاكينا
abosleman كمان نفس الشي
LiOnHeArT (سابقا) ما بعرفو
betty_palestineخيو في ناس ما بتنعطى وش.. وهي البنت منهن
yamen_h ما صار بيناتنا احتكاك أبداً.. ولا حتى بالأقسام الإدارية.. فما بعرفو فعلياً
BL@CK خيو هاد الزلمة كتير حباب وآراؤوا بتعجبني.. بس كمان بيدج كل دجة الله مولاها.. بس أحياناً بحس أنو بدها الواحد يكون جريء وبحسدو على هي الصفة
MadMax هاد الزلمة كتير ظريف، اهتماماتنا قريبة ومنتفاهم بسهولة..
وائل76 كتير محترم، تغير من أول ما دخل أخوية، وأنا مبسوط بهاد الشي..
مسطول ع طول ظريف، يعني بس يكون كاتب شي على الأغلب بيكون شي مهم ويستحق القراءة!
شامي من طوكيو هاد شي ظريف بس بغير معنى.. يعني نسخة عن زاهي.. عزبني كتير لما كنت منسق قسم الفساد
أمرأة من ورق عندي رغبة اتعرف عليها لأنها على حاسب مو شايف فهمانة وجدية بحياتها وعملت شي مهم.
Roaa يعني فعلياً ما بعرفها
مايا*شرحو
لبندا شرحو
fofo besset syria شرحو
Abu Guzef هاد الشب حباب، يمكن صار بيناتنا حساسية خفيفة بس على شي ما بيستاهل..
الموسيقار, بيضل مزعوج من مشرفين المنبر.. لهلق ما فهمت ليش... المهم أنو ما برأيي أنو عنيد شوي مع انو ما بدها هالقد..
فاوست المفروض يدير بالو أكتر.. ما كتير بتقاطع معو بالآراء السياسية، أو على الأقل بطريقة طرحها
ظل جيفارا الزلمة على ما شفت أنو فهمان.. بس ليش ما بيحكي غير فصحى ما بعرف..
ملاك السعودية خيو هي النماذج ما بدنا ياها.. ولا النماذج اللي متلها بس سورية
محمد السعودي 
ما بعرفو
التقرير الجوال متل ماني شايف الشب مقتنع بأفكارو عن تفكير.. بيعجبني أنو شكلو ما تغير بعد ما سافر على أمريكا.. وما بيعجبني أنو شكلو انو ما تغير من وقت ما سافر على أمريكا
secular سابقا بتوقع رأيي صار معروف بهاد الشخص
Nirvana لو انعطالها مجال تحكي أكتر كان عندها كتير لتقولو.. بس للأسف ما صار هاد الشي، بعزها كتير وبرأيي أنو كان لازم يكون إلها دور أكبر بأخوية
was616im ظريف بس ضايج!! يعني ما بعرف شو بدي قلك لأنو كل ما بيحكي شي بيعجبني بشوف شعار ريال مدريد بالصورة الرمزية وبقول لا يمكن لمشجع ريال أنو يكون فهمان.. بس عم يثبتلي العكس)
يمان حباب كتير.. عندو مشكلة وحدة انو بيشجع الريال!!
GOVERMENT
مين بتحب اكتر ؟ (بتجاوب وبتختار واحد بس وممنوع عدم الاجابة )
حومص ولا حلب ؟ حومص
طرطوس ولا اللادقية ؟ طرطوس
الدير ولا الرقة ؟ الرقة
الاتحاد ولا الكرامة ؟الكرامي
سيزار ولا واسير التشرد ؟سيزار
مايا ولا ليندا ؟ما بعرف لا هي ولا هديك
اب سليمان ولا وائل 76 ؟ وائل
فوفو ولا ريمي؟ ريمي
يمان ولا رؤى؟ يمان
جاد ولا هاني؟إي هي صعبة.. بس يلا. جاد
ميمو ولا مورنينغ ؟ مورنينغ
محمد ابراهيم ولا مسطول ع طول ؟ محمد
كهربجي ولا كوستا ؟ كوستا؟
سرسورة ولا نيرفانا ؟ إذا نيرفانا اللي بالعربي فأكيد سرسورة.. بس إذا Nirvana فبقول نيرفانا
الحكيم ولا كريم ؟ هاد بقى مستحيل أعرف جاوب عليه واقدر نام بالليل
بلاك ولا برليب؟ كمان صعب بس رح قول بلاك
انا ولا حسن ؟ كهربجي
حسن ولا انا ؟ الكرامة
ليلى ولا ريتا (سويت بيبي)؟ ليلى
غزلان ولا راديا ؟ما بعرف
ياس ولا فاوست؟ ياس
مريومة غزالية ولا يامن ؟ مريومة
ظل جيفارا ولا مادماكس ؟ مادماكس
اب جوزيف ولا اب وليم ؟ أب جوزيف
ماجد سيريا ولا سيريا غاي (رامي)؟ رامي
ابوك ولا امك ؟ صعب يا عيوني ما حدا رح يجاوبك على هالسؤال
بتحب الوحدة ولا الزحمة والناس ؟
حسب... بشكل عام بحب كون مع الناس مشان اقدر صورهون واتفاعل معهون
بس كون بدي اشتغل أو اعمل شي بدو تركيز أكيد بفضل الوحدة
مين اذكى الحماصنة ولا الكراد ؟
الحماصنة قولاً واحداً.. لأنو الحماصنة أذكى شي
مين عقلو حيط اكتر الكراد ولا الحلبية ؟
الحلبية لأنو الكراد عالأقل بيعرفو لغتين
مين بتشجع من المنتخبات ؟
عالمية ؟ الأرجنتين
عربية ؟ سوريا
من الاندية ؟
الاجنبية ؟مان يونايتد
السورية ؟الكرامة
العربية ؟ الكرامة
مين اكتر لاعب بتحبو (سوري او ماسوري مامشكلة) ؟ بابلو أيمار
اكتر ممثل / ممثلةسوري ؟ بسام كوسا مي اسكاف
اكتر مغني /مغنية سوري ؟شادي علي رشا رزق
وحدة في الاخوية انت معجب فيا من زمان وماعبتقد تقول ؟
ما حدا.. كل اللي عجبوني قلتلهون
واحد بالاخوية معجب في من زمان ومستحي تقول ؟
نفس الجواب
مين بتحب اكتر الشي من المشرفين او المشرفات وبتحسو قريب عليك كتير ؟
ياس
عضو/عضوة كنت ماتطيقو بس بعدين تبينلك انو كتير حباب وعكس اللي كان ؟
صياد الطيور
عضو/عضوة كنت مفكرو حباب ومنيح واكابر وطلع عكس المتوقع ؟
ما بعرف حدا هيك صار فيه
عضو تقاتلت معو ؟
في كم عضو سعودي وفي سيكيولار وسكيبي
عضوة تقاتلت معا ؟
ما حدا
عضو ماهضمتو ؟ المطارد رقم 1 وأرسلان
عضوة ماهضمتا ؟ بيتي فلسطين
بتحب المحشي مخبوص ولا مفلفل؟ ما بعرف شو يعني
بتحب البيبسي ولا الكوكاكولا ؟ هلق بفضل المندرين بس إذا ما في بشرف كوكا كولا.. أصلاً ما بشرف كولا إلا بالمناسبات
مين من الاعضاء جاي عبالك تشوفن ؟ رامي-سرسورة-ياس وأنت
بتحب البطاطا لحالا ولا مع كاتشب ؟ لحالها أو مع مايونيز
اكتر كلمة بتحب تسمعا ؟ اشتقتلك
اكتر موقف ضايقك بالاخوية ؟
لما تركت المقلاية عالنار رجعت لقيتها حاميييييييييييييييييييييي يية