Madmax
شو هوي فيلمك المفضل وليش؟
يا سيدي في أكتر من واحد.. في fight club, Amelie, ليالي ابن آوى... the Wall... يعني مشكل
مين ممثلك المفضل وليش؟
سوري: بسام كوسا أكيد لأنو إله بالتمثيل وآراؤوا بتعجبني.. في أكتر من ممثل سوري تاني أو ممثلة شغلهن كتير حلو.. بس الأستاذ هو الأستاذ
مو سوري: في تنين Edward norton لأنو لهلق ما حضرتلو ولا فيلم مو حلو..
والتاني kevin bacon لأنو كمان أداؤول كتير حلو وبينقي أدوار بطريقة كتير منيحة
شو اكتر شي بتحبو بالحياة وليش؟
الهدوء والموسيقى.. لأنو بالعجقة والضغط والهموم كلها بيضل فسحة صغيرة بآخرة النهار شغلة عظيمة
شو امنيتك بالحياة؟
أنو أعمل اللي بدي ياه!!
شو ناوي تدرس؟
عم بدرس آثار بس ناوي ادرس أنثروبولوجيا
شو أكتر معادلة كيمياء حفظتها بحياتك؟
2HCl+Na2SO4-> H2So4 +2Nacl
شو أحلى قصيدة مرقت معك؟
الله قريب من قلبي لنزيه أبو فش لأنو عندي معها ذكريات
شو درس العلوم المفضل يلي حفظتو؟
وراثة حبيتها كتير..
شو حدود سوريا الجغرافية؟
إيوا.. هاد السؤال ملغوم شكلو..
من الشمال جبال طوروس ومن الغرب البحر المتوسط (وجبل لبنان إذا الحدود متل ما هي هلق) ومن الشرق البادية ومن الجنوب كمان
شو طبيعة لبسك : سبور -فنكي -رسمي ؟
إذا في شي مهم... يعني شقل ممكن ألبس رسمي (لهلق مرتين بحياتي)
بس بشكل عام يعني مكركب وعفش وما معروفلي شي طبيعة.. بس ممكن يعني سبور.. مو فنكي (لزيزة فنكي هي)
شو اكتر موقف محرج صار معك؟
أوووووووو... شي بلاوي...
إي كنت عم بلعب طابة مع الولاد وبالحارة كان في بنت كتير عاجبتني.. بش هي كان عمرها 10 وأنا 9 فكان في مشكلة الفوارق العمرية متل ما بتعرفو، المهم أنو انفردت بالغول وكنت هه رح حط الطابة.. وإجيت لشوطها أنا ومبسوط كتير أنو هلق بيفوت غول وبشوف حالي البنت هي وبطبقها.. قام شطت الطابة وفاتت غول.. بعدين فاتت براس البنت نفسها هي بالذات.. وقتها كنت كتير محرج وحسيت حالي حمار وأعمى ولازم موت...
بتعتبر حالك ن الناس ياللي بيحكو كتير؟
إي يمكن.. كمان حسب الوضع، انا بحكي كتير بس كون مبسوط
شو اكتر اسم بتحب للشب وللبنت؟
جاوبت
مين قضوتك بالحياة ؟
قدوتي.. مصور فوتوغرافي اسمو phillip Jones Griffith
وبالموسيقى Nick Mason
شو رأيك بالطفولة و الولاد ؟
حلوين.. يعني كل شي إلو سلبياتو كمان وهنن من الأشياء اللي ما إلها كتير سلبيات.. بس كل سلبية كا شاء الله قد الحيط.. يعني الولد ما بيزعجك كتير.. بس إذا قرر يزعجك بيلعن سماك..
مين أعز شخص على قلبك و ليش ؟
حبيبتي.. لأنها حبيبتي
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد ا
لتانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
بزت حالي وما بشيل حدا.. ما رح أعرف قرر لحتى انحط بالموقف
شو أحلا أيام حياتك؟
في يوم صار من فترة كان رائع.. ساويت فيه شي كتير مميز، بس ما حضرت تلفزيون أبداً ولا فتحت نت.. كنت مبسوط وراي، يومها رحت على شط قريب على كسب اسمو بالأرمني كالادوران.. بس شي يا لطيف.. يعني انبسطت كتير هنيك كمان مع الصحبة الممتازة.. يعني مشوار بيجنن
شو الحياه بالنسبه إليك؟
الحياة.. هي الفرضة اللي إذا ما استغليتها بدك تقضي الباقي من جياتك عم تتفرج وتتلقى بدون ما تشارك أو تبدع شي.. يعني ميت
شو بنظرك بياثر اكتر دموع الفرح أم بسمة الفرح؟
دموع الفرح
شوالشي الذي تتمنى أن يرجع؟
أبي
موقف صار لك ولا تقدر تنساه؟
في كتير مواقف بس رح قول أقدم واحد.. لما تعلمت اسبح أول مرة.. كنا عالبحر بالبسيط... لحالي بدون شي سبحت وقتها كان عمري شي 6 أو 7 سنين يمكن
شو أفضل لديك بمراحل النمو هل هو الطفوله ام المراهقه ام الشباب أم الشيب؟
الشباب.. لأنو بتكون وعيت تمام ولسا عندك طاقة كبيرة
زيت المقلاية عم يحرقك شي؟
لا ما كتير الحقيقة مبسوط
ازا اضطريت انو تختار بين تتين من رفقاتك شو بتعمل
بختار اللي بلاقيه رفيقي أكتر