هلق أول شي موضوع كتير مثير
بظن انو من فترة حكينا عنو
بس انا الفكرة براسي كانت شوي أبسط اذا صح التعبير
بهالموضوع أو البحث اللي انت منزلوا لقيت الموضوع متشعب كتير
ودسم خرج يعني الواحديحكي في
انا بعتقد انو انتمائتنا اللي هي بسوريا تحديداً كتير مختلفة
بترتبط بجوانب دينية و جوانب عشائيرية
والغريف انو أول مرة بعتقد أنو السياسة ما بيكون الها اصبع بهالموضوع
طبعاً من وجهة نظري
كيف ؟
راح فسر واعطي مثال عايشو انا
الانتماء لبلد معين من الجانب الديني
متل الشيعة بشكل عام طبعاً انتمائهون بيكون لإيران وانا قلت بشكل عام منشان ما حدا ياخدها مأخذ انو
عم شكك بوطنيبة حدا
السنة بينتمو للسعودية للأرض الطاهر (مع أنو ما بظن) طبعا معروف هالشي
كما الانتماء لأسباب عشائرية
يعني الواحد اذا هيك بيعملوا زيارة للمناطق لمتاخمة للحدود بيلاقي البشر اللي هونيك انتمائهون خارج الحدود بيكون
ويمكن يتخطى بلد معين
متل منطقة الجزية بيشعوا بحنية أكتر للعراق
انا عشت فترة 9 شهور بضيعة أو قرية تابعة لمحافظة درعا
هونيك الناس بالمجمل ما بيحسو حالون سوريين نهائيا
بيفكروا حالون انون خليجيين من الإمارات والكويت وهالدول هي
حتى المحلات عندون كلها أسمائها (دبي - السعودية - الكويت)والذي منو وطبعاً حكيت مع بعضون
وأول ما جيب شي طرطوشة بهالموضوع بدو يصير يثبتلي أصل عشيرتوا اللي هي جاية من الخليج وانو هوي مو سوريا أصلا
وذا هلاء تخطينا الحدود منلاقي بلبنان المسيحيين ما بيشعروا انون بينتموا للهمنطقة الجغرافية
بيحسو أنو من أوربا جد انا مرة سمعتا من مفكر لبناني على التلفزيون
وقتها كانو عامميلن لقاءات مع الناس وهالشي صحيح
بس انو شو وصلون لأوربا
كمان السريان هني أكتر ناس بيحسو بسوريتون لانوون بيعتبروا أصل السوريين وسوريا تسمت هيك ع أسمون
هلاء بالخلاصة ...
أنو الدين لهون لاحقنا مدري ليش حتى بالمواطنة والوطن راح يكون شوكة (طبعاً مع احترامي لكل الأديان)
وأول مرة بحس انو السياسة ما دخلها
مدري ليش انا كل علة بشوفها برجعها للتربية أنو ليش ما منربي الجيل الجديد على انو سوري
