أهلين حاج متولي أبنك حلو 
الله يخليلك ياه ويبعتلو أيام حلوة
عادة قضم الأظافر بتبدا من عمر السنة بالمناسبة، ولهالشي من الجيد أنك تنتبهت لهالعادة الموجودة عند طفلك بهالعمر المبكر لأن كلما حاولنا التخفيف بعمر مبكر أكتر كانت العملية أسهل
قضم الأظافر هو نوع من أنواع التعبير عن القلق عند الأطفال،وهي في الوقت نفسه وسيلة من وسائل التخفيف من حدة هذا التوتر والقلق.
عبارة عن عدوانية مرتدة إلى الذات لعدم قدرة الطفل الاعتداء على الآخرين
طاقة زائدة غير مستغلة لدى الطفل ، ينفس عنها الطفل بالانشغال بأي نشاط ليطرد الملل والسأم
بمحاولة علاج أسباب القلق الكامنة بداخل نفس الطفل إن استطعنا، ومعرفتها، ومن المعلوم أن القلق عند الأطفال بوجه عام ربما يبدو بسيطًا للوهلة الأولى، ولكن الحقيقة أكبر من ذلك، فالطفل مخلوق هش ...ضعيف... وحسّاس، فمن أسباب هذا الخوف والقلق مثلاً:
وجود نوع من التوتر بالعلاقة بين الطفل وبين والديه أو بين الطفل وأقرانه، مثال الأب العصبي أو الأم أو المحيط بشكل عام يكون فيه توتر .. أو مطالبة الطفل بأمور وأفعال فوق قدراته فينشأ عند الطفل خوف كامن مستمر من أبويه، أو شعور الطفل بأنه غير مقبول لدى أبويه
الفطام ... والفطام مو بس توقف عن الرضاعة وإنما كمان هو فطام نفسي فينا نقول يعني هو الانتقال من الرضاعة وملازمة الأم بشكل دائم للاحتكاك بمحيط أكبر
التغييرات الخارجية اللي بتصير بحياة الطفل كالانتقال لبيت جديد أو في حال إصابته بالمرض لوقت طويل
فيجب التنبه لهالأسباب ومراعاتها ومراعاة الطفل بعمر السنة لأن متل ما قلنا بهالعمر عم ينفصل عن الأم بهالعمر وبيحتك بالمحيط المجهول الغامض المسبب للقلق بما أنو طفلك محمد من النوع الهادي برا البيت فإذا في شي من عدم الشعور بالأمان عم يصير معو فهو ما عم يلاقي طريقة تعبير عن هالقلق والتوتر إلا بقضم الأظافر
فالأفضل الانتباه وين هي الأماكن اللي ما عم تحسسو بالراحة ووين عم يحس بالتوتر وما عم يكون يتصرف براحته وليش وممكن يتم سؤالو عن هالشي أنو وين بتحب نروح وليش ووين ما بدك نروح وليش ومن هالاسئلة
كمان يجب التنبه لنوعية العلاقة بين الطفل وأبويه متل ما ذكرنا قبل والأهل يعطو الابن فرصة للتعبير عما بداخله ةالابتعاد عن التوبيخ والحرمان والعقاب القاسي
مساعدة الطفل في توكيد ذاته Self – assertiveness ، والتعبير عن نفسه وانفعاله بأسلوب تكيفي
متل ما ذكرنا قضم الأظافر بيكون ناتج أوقات عن حالة ملل ووجود طاقة كبيرة عند الطفل بيتم تصريفها عن طريق هالعادة .فممكن اللجوء للعب بالعلاج فمن المعلوم أن اللعب عند الأطفال يعتبر هو الحاجة الغريزية الأولى بعد تناول الطعام والشراب، ومن أصعب الأمور على الطفل تقول له اجلس ولا تتحرك.فاللعب يحقق نوعًا من المتعة، ويشبع حاجة غريزية عند الطفل؛ مما يكون له أبلغ الأثر في علاج القلق والخوف الموجود بداخله وكمان تصريف للطاقة الموجودة عند الطفل
في أساليب علاجية تانية عن طريق الايحاء ويتم ذلك بأن يقوم الطفل كل صباح ومساء ولمدة خمس دقائق ويجلس أمام المرآة ويقوم ببطء بتمثيل حركات قضم أظافره كما لو كان يقضمها فعلا وعند قيامه بتمثيل الدور يقول بأعلى صوته ( لن أقضم أظافري بعد اليوم ) ممكن يكون طفلك صغير بعدو صغير على هالطريقة
وفي طريقة العلاج السلوكي وهي بأنوالأهل مع الطفل يدهنوا أصابيعو بالزيت وهو يشارك بالعملية فممكن مزاق الزيت ما يستسيغو لما رح يحط ايدو بتمو وهيك بيبطل 
بس أنا بفضل الشي اللي ذكرتو قبل وهو محاولة تشجيع الطفل يعبر عن اللي بداخلو من مشاعر وشو بيحب وشو بيكره ...يعني يمعنى آخر تخفيف التوتر والقلق والضغط العايش فيه
لأن بالنهاية هي حالة مرتبطة بالقلق والتوتر وكلما خففنا التوتر المحيط فيو ... رح تخف هالعادة
