[يمان Rooooonaldo]

انو حابب صبح ... الي زمان ما شفت الخير موجود ..

صباحكم حلو .. ان شا الله يا رب ... بعرف بجوز ما وقت صباح .. بس في شي رهيب بالموضوع ..

بجوز حيعزبني كتير .. لانو الاجازة.. وصفرت الختام .. للاسف يعني

وقت كنا صغار كانو يحكولنا كيف البحره بالبيت العربي تسبح الصبح بالياسمين التعبااان و تعبي ريحتها البيت ..
و القهوه تغفى على طرف البحره و ما تفيق لتبوسها شفاف الصحيانين ..
لو قد ما كبرنا و لو قد ما بعدنا بنتمنا نرجع للباب الغرقان بريحه الياسمين ..
و بكل صبح بنزكر كل المكان القهوه الباب و فيروز .. و شـجره لـياسمين ..

احلى من ياسمين الشام ما في ... الياسمين اللي بشوفو كل يوم ناح بيتي تحت ..

بتمشى .. بروح ناح بيت اعز واغلى انسان عقلبي ... بشوفو قدامي ..

وقت الواحد بيمشي الصبح .. بكون طالع .. يتمشى .. بلاقي ياسمينة .. بيضا

ريحتا بطير العقل ...

بزماني .. كنت روح عبيت جدي ... ننزل اجازة .. عالشام ..

اجي اول يوم كون مستحي ... كنت صغيــــر .. يجو بدون يحاكوني ستي وجدي وخوالي ..

اهرب منن .. روح عند امي ... ويصيرو يضحكو ..

فيق تاني يوم الصبح .. شوف جدي وستي وخوالي .. ابي وامي .. لاقين حوالين هالبحرة بارض الديار ..

عم يشربو القهوة ... عنا كان شجر بارض الديار .. كبير يوصل لفوق عالطابق التاني .. اطلع لفوق .. عالمشرقة ..

تكون الشمس هلا طالعة .. منظر بجنن .. اليامسين عم يهز تحت .. هارر منو عالبحرة ..

فوق المي ..




يا ريت لو بترجع هديك الايام .. بترجع البحرة
اللي انشالت كرمال البيت يتمكن لانو عمرو كتــــــــــــــير كبير





صباحكم .. صباح الياسمين .. صباحك يا شامي .. يا شام المجد ..

سوريا الله يحميكي .. ويديمك ..

" بحبك شـــــامي"



* متدايق من جوجل كتــــــــــــــــير