أنا لح احكي عن تجربتي الشخصيه وكيف تعلمت الدخان
وقت تعلمتو كنت طالب أول ثانوي (بمدرسة أبن خلدون) البدايه بلشت شغل ولدنه كيف بلشت بالضبط مابتذكر
بلا طول سيره وبختصار
كان في كشك على طريق المدسه بيبعود شي 100 متر كان يبيع دخان فرط ومن كل أنو الدخان وبلشت الشغله أنو اشتري سيكاره فرط بعد ما اطلع من المدرسه ودخنها ع الطريق وبعدها تطورت الشغله صرت اشتري تنتين وحده للطريق وحده مشان باقي لنهار يعني كانت شغل ولدنه مو اكتر
كان سعر سيكاره 1 ليره وكان باكيت لوكي سعرو 15 ليره وماكنت بحاجه اشتري ولا كان مصروفي يسمحلي أنو اشتري بكيت شنو كان مصروفي 10 ليرات .. ايه عشر ليرات كانت العشره شغله كبيره
وبلشت الشغله تتطور لتلت سيكاراة وبعدين اربعه وبأخر السنه جتمعنا اربع طلاب ونشتري كل يوم باكيت ونتقاسمو , كنت قول لحالي أيمتا مابدي بقدر تركو هيك كنت مفكر أنو أنا عم اتسلى مواكتر مفكر الشغله لعبت فيشه
ومع مرور الزمن صارت الشغله تزيد ووصلت لمرحله نصف باكيت باليوم والمشكله أنو ماحدى كشفني لا بالبيت ولا حدى قدر يشعور أنو أنا بدخن وستمرت الحكايه شي سنتين وقت اجيت بدي بطلو ماقدرت
صار مخي يطق وعرفت شو يعني خرمان وقت تكون مبسوط بدك سيكاره على رواء وقت تكون زعلان بدك سيكاره لتتفشش وشو ماكان مزاجك بدك سيكاره
وبعد هل العمر الطويل وبالوقت الحالي بدخن باكتين ونص يعني كل يوم بدي 150 ليره مصروف دخان بس ومشكلتي بالوضع الحالي أني مابدي تركو
يلي بدي اوصلو أنو لو ماتوفرلي بياع دخان الفرط ماكنت تعلمتو
بما أنو حسون لساتو قاصر فأكيد مالح يكون مع هيك قوانين ولا بخش القلب عامل زلمه وبيدخن مالبورو
ع الهامش : ياريت الشباب المدخنين الي تعلمو وهنن تحت سن 18 يحكولنا قصتهم مع هل الحشيشه
وأول واحد لازم يحكيلنا القاصر حسون لانو لساتو عم يعيش التجربه