[عطر البرتقال]

بسم الله الرحمن الرحيم

اولا: سامحوني يا مشرفين مش عارفة وين احط ((كلامي الي بدي اكتبه هون))....لاني عن جد مش عارفة .
ثانيا : بدي اسلم على كل الاعضاء والمشرفين والاداريين وارسللكم تحيات من اعماق قلبي .
ثالثا :بدي ادخل بالموضوع الان .

اول مبارح شفت اغنية الحلم العربي الجديدة.......طبعا ما بدي اقول الكم شو صار فيا لما شفت المشاهد.......بس انه القيت نظرة لامي شفتها تبكي......اطلعت على اختي شفتها كمان تبكي.....اطلعت على خواني شفتهم عابسين.......اطلعت على والدي العزيز........شفته تعباااان كثيييير.....المشاهد فظيعة جدا........ابوي قال كلمة وظلت علقانة بعقلي........الشعب العربي ماكل(( )).....اكيد عرفتوها الكلمة .

بعديها اجا خالي ابو مروان علينا.......وقال كلمة ثانية ((رح تسير مجزرة جديدة والامة العربية تقضيها غناني))

بعديها حطينا على قناة الجزيرة وكانو جايبين الدكتور عزمي بشارة المحلل السياسي وقال كلام كثير.

الى متى..........هالسؤال تاعبني.

عجوز صار يقول ((ما في شي امشي عالحديد امشي فوقه.....سكرو دنيهم العرب))

زلمة صار يقول ((زهقنا يكفي قتل يكفي تعذيب........زهقنا.....بدنا نعيش بسلام))

رحت على غرفتي وعلى طاولتي وكالعادة اجا ببالي اكتب مقالة......بس عجزت الاقي كلمة.......ما اجا ببالي اكتب اي اشي لانه زهقت كمان من الكتابة هاي....انا تعبت كثير...حسيت بتعب ووجع غريييييييييب وباللحظة هاي تمنيت اجيب اي اشي حوالي واروح هناك عليهم.

قضيت ساعتين او اكثر وانا صافنة بشرشف طاولتي الملون ((مرسوم عليه ورد لونه زهري واصفر)).
اذكرت كمان قصة ابوي حكالياها.....القصة يا اخواني انه احد الامراء السعوديين معجب باحد اللاعبين كثير.......نسيت والله شو هو المنتخب الي يلعب فيه....ايطاليا او اسبانيا.....المهم هاللاعب مات.....توفى وفارق الحياة.......راح هالامير متبرع بواحد وعشرين الف دولار لاهل هاد اللاعب......ورايح قال يعزي فيهم.
حرام عن جد........واجب عليه يعزي.
قارنت هاد الموقف باستشهاد سناء واتذكرت اخوها وهو يصيح وينادي ((اختي........احتي)).
طلعت معي فوارق كثيييييييييييييييييييرة بدها مجلد عشان اكتبلكياها.



((للحديث بقية))