[oliver68]

تايجر شكرا كتييييييييييييييير عالموضوع و شكرا لتفهمك إنو يللي عمبصير مجرد تشويه و تضليل و لا يمت للمسلمين أو الدين الإسلامي بصلة.

كاتب النص الأصلي : وائل 76

عزيزي تايجر من يتابع تطور الاحداث يدرك بجلاء ان من يقوم بتلك الاعمال اما ان يكون عميلاً ينفذ سياسات واضحة واوامر لاتقبل النقاش او يكون مضللً لا يفقه شيئاً مما يقوم به وبالتالي فهو ايضاً ينفذ سياسات و اهداف امريكا في المنطقة

يا جماعة باعتباري مؤمن و بشدة بنظرية المؤامرة، بأيد كتير كلام وائل بنقطة "التنظيم الأسود" و هاد المصطلح فعلا هوي الأساس في وصف هيك جماعات و تنظيمات، يعني القاعدة و مؤسسيه بالإضافة إلى الزرقاوي و غيرو من "قادة الجهاد" هدول مجرد عملاء للمخابرات الغربية، الهدف الوحيد من وجودن هوي خلق نزاع و فرقة بين المسيحيين و المسلمين، و للأسف أبسط مثال موجود هون بأخوية، فهي التنظيمات الاستخبارية الغربية أو ما يطلق عليها "جهادية" تمويلها جاي من الغرب و تحديدا أميركا و اسرائيل، يعني بالوءت يللي منآتل فيه نحنا المسلمين و المسيحيين، بكونوا هنن عميتفرجوا مبسوطين (بن لادن و الظواهري و بوش و أولمرت...الخ من الإخوة الصهاينة) و حاطين أدامهن طاولة هالقمار و كاس هالعرق و كل واحد بيستنى عمولتو لتوصل على حسابو بسويسرا، و كمان غير تفجير النزعة العنصرية، مهمتها إنو تعطي مبررات للهيمنة الأميركية على منطقتنا، و بالتالي كسب الرأي العام، يعني بالقانون، لاحظوا شو حجة بوش بالحرب على العراق؟؟؟؟؟؟ مو القضاء على نظام صدام يللي بيدعم الإرهاب-على حد زعمو-؟؟؟؟؟؟؟ مو الهدف إنو يحمي بلدو من الهجمات الإرهابية و إنو ما تتكرر هجمات سبتمبر؟؟؟؟؟؟؟؟ مو كان الهدف من الحرب على أفغانستان إنو آل يعني يقضوا على نظام بن لادن يللي هنن صنعوه بعد ما حاربوا الروس عن طريئو؟؟؟؟ يعني كل هالحجج خلتهن يكسبوا الكثير من الرأي العام، يعني وين ما رحت بالعالم، الإنسان المسلم يوصف بإنو إرهابي، حتى هون بالبلاد العربية، لأن المتشددين من غير المسلمين لؤوا القاعدة و بن لادن حجة ليبلشوا الحملة العنصرية ضد الإسلام. ما بدي حول النقاش لحوار أديان، بس هيك الواقع، إنو كلشي مربوط ببعضو.
بس يللي بيإهر و بنكس الراس عنجد إنو في ناس مو عملاء للغرب، بس مؤمنين بالقاعدة أو مؤمنين إنو أفكار القاعدة هيي نفسا أفكار الدين الإسلامي، طبعا، لأن المجتمع العربي للأسف متخلف و لا يفكر بعقلو أبدا، طيب شو السبب؟؟؟؟؟؟
كمان باعتباري مؤمن بنظرية المؤامرة، مؤمن إنو الحكومة السرية الصهيونية هيي يللي بدير العالم و بتعين الرؤساء على كيفها و بما يخدم مصالحها، و هالحكومة ما إجت من فراغ، إجت من تراكم أجيال ورا أجيال، كان هدفها الأساسي خلق الفرقة و النزعة العنصرية بكل العالم مشان هيي تكون المسيطرة، و للأسف هادا الواقع حاليا، و بلشوا من زمان، يعني من مئات السنين، و كمان خلؤوا الحرب العالمية الأولى و التانية بأوروبا و الغرب، كانوا سبب للمجاعات بمعظم أفريقيا من خلال تمويل الفصائل و القبائل و شعلوا نار الحرب فيها فانتشرت المجاعات و الأمراض، و نشروا ما يسمى بالمشيخة أو الرهبنة في الدول العربية، و صاروا رجال الدين مقدسين، و البني آدم يصنف حسب دينو، صرنا نربي ولادنا على الخرافات و الزعبرات، فصار عنا جيل فاسد، جيل يا مقلد أعمى للغرب"متأمرك" أو جيل متعصب لدين معين متل الجماعات الإسلامية و المسيحية، فانألب الباطل حق و الحق باطل، و بكل بساطة هالشي سمح لأفكار القاعدة تلائي رواج و قبول بين شباب العرب، و بالزات الشباب يللي ما لائي الفرصة ليبدع و يأنتج، نشروا طقوس دينية غريبة بمجتمعاتنا، و بالتالي إدروا يسيطروا على عقول الشعب العربي.

بالملخص أنا رأيي إنو القاعدة و مؤسسيها و بعض من قاداتها عملاء لا أكثر ولا أقل، أما البقية الباقية من منتمين لهالتنظيم و من مؤيدين، هنن ببساطة شباب مكبوت مغسول دماغو ما ملائي هدف لحياتو.

تحياتي للجميع ، و عنجد آسف للإطالة