اقتباس:
كاتب النص الأصلي : Elephant And Castle
ما بتستغرب اي شي ...حتى ولو قالو انو النظام السوري بدو يحط المسؤلية برقبة الحزب اللبناني مشان ينفد ...يعني بالفعل اذا منربط الجزئيات الصغيرة مع بعض متل اغتيال مغنية بكفرسوسة او مسؤول تاني على شواطئ طرطوس ,,او كنعان ...منشوف انو في شي عم يصير بخلينا نروح بالتفكير بالأتجاه يلي راحت فيه دير شبيغل ,,,
في مرة صحيفة المانية ذكرت انو كان في انقلاب بسوريا عم ينطبخ بس النظم افشلو ...و بعدين شفنا انو بالفعل التقرير كان في كتير من الصحة ...
دير شبيغل معروفين بالمهنية و ما بينشرو خبر غير بعد دراسة قانونية لأنو الخبر هاد اذا غلط بيجر عليون محاكم طويلة عريضة ..
|
دير شبيغل معروفة بالمهنية صح, بس لما الشغلة تتعلق باسرائيل ومصالح اسرائيل ما بضل في مهنية بالموضوع.
المجلة هي متل كتير من وسائل الاعلام الالماني مؤيدة بشدة لاسرائيل, ونشر هيك حكي ومن هيك مجلة ما بينفهم الا ضمن هالاطار
اول شي ممكن تلاحظو بهالتقرير , انو من بعد ما ميليس سئ الذكر ترك لجنة التحقيق توقفت قصص التسريبات الصجفية بشكل شبه نهائي , شو صار هلق ليتسرب هيك خبر و ليتهم ناس وبالاسم كمان؟؟
تاني شي انا بشوف انو اتهام حزب الله وخاصة هلق ورا اما اسرائيل او مصر والسعودية او كل هدول لانو كلن عندن هدف مشترك هو منع حزب الله من الفوز بالانتخابات اللبنانية و الاجهاز علي نهائيا بعد ما فشلت كل الوسائل التانية
شغلة انو النظام السوري بدو يورط حزب الله بشوفها مبالغة, لانو النظام من زمان خلص نفسو من قصة المحكمة وما بظن اضعاف حزب الله من مصلحتو حاليا على الاقل
ردة فعل حزب الله بتدل انو حاسين انو في شي عم ينطبخ بالسر ضدن, والخوف بيبقى من صفقة ايرانية امريكية بيتم من خلالها الاعتراف بايران كدولة نووية و ترسيخ نفوذها الاقليمي مقابل تقليم اظافر حزب الله و تغيير قيادتو الحالية.