[Syrian Gay]

GOVERMENT

تتمة ..

COSTA نبيل مثقف كتير .. كمان من الاشخاص يللي وقفو معي بشدة .. كتير مرات كان يجاوب عني ويحمل الحمل .. بحترمو كتير .. ومن كم يوم شفتو شخصي وقعدنا .. بس تقطع قلبي عليه لأن كتير نحيف يا حرام .. وكان مستجيب من الناحية الإشرافية ألي وخدمني عدة مرات بحذف شغلات مسيئة لشخصي .. بس نصيحة من أخ كتير صغير عليك يا رب تتقبلها رغم فرق العمر الكبير .. خفف شوي عدائية حتى ولو كانوا الاشخاص ضدك ..

handsome وسومة .. بيفوت ع القلب بسرعة .. كتير مرتب وبضحك كتير ع مشاركاتو وبحب مخو و مربّى (فريز هالمرة) كتير هالشب .. هو واخوه سعيد مربايين كتير .. الله يعطي لأهلون عافية ع الترباية المنيحة والله يخليون لأهلون ع الطيبة (حاسس حالي زلمة كبير بالعمر عم يتحسّر ع ولادو وبقارنون بأولاد العالم) .. وسيم كتير بعزو لأسباب بجهلها انا شخصياً .. بس يمكن لأن متل ما قلت بيفوت بالقلب بسرعة ..

abosleman ما بعرفو ابداً .. مرة سلمنا ع بعض لما كنا بـ conversation مع عالم تانية وبس ..

LiOnHeArT (سابقا) اول فوتتو كنت كتير بحبو .. مهضوم وحبوب .. بس بعدين وبعد ما طالعتو غلطان بشغلة يللي هي تبع انو لطش خاطرة مو الو وحطا انو هي الو ولما قلتلو فاااار وانزعج .. و ع شي فاضي .. يعني وين المشكلة اذا قلتلك غلطك ؟ صايرين العالم ما بيلقوا شي من بعض

betty_palestine مشاغبة كتير .. غلطت بحق ياسين كتير .. ما معا حق ابداً .. بس هللا ممكن كان نمرقها بس انو ما اعتذرت ولا اعترفت بغلطها .. يمكن بحكم عمرا ما تقبلت الامور .. بس بيتي من قبل كنا عادي وإلا فجأة مرة عطيت رأيي بقضية دينية قام ما عجبا ردي وصار تكرهني .. طيب اختلاف الرأي ما بيعطي كره بظن .. ع كلن الله يوعيها ..

yamen_h يامن ما بعرفو كتير .. بس إشرافياً ما بيعجبني كتير .. ما الو لمسات بالاقسام يللي استلمها .. بحسو بعيد كتير عن الاخوية .. طيب لو بعيد خلي يتقاعد أزبطلو .. هللا ما رح اتدخل بالزلمة بس يعني مجرد حكي .. وكمان مرة سألتو سؤال ع الخاص ما رد علي ! ما عرفت ليش بصراحة
بس يعني الزلمة الي شخصياً وبعيد عن الإشراف ما عملي شي والو كل الاحترام

BL@CK عابد عبود عبودة عبيد عبابيدو ..بحبو كتير (لا يروح فكركون لبعيد ) .. من الاشخاص القراب كتير علي وذكر ! .. يعني انا نادراً ليكون ذكر مقرب علي كتير .. بس عابد كان هالشخص .. ما بعرف ليش بس كتير برتاحلو .. يمكن لأن مالو نظرات هيك وهيك .. بريئين نظراتو .. لما بنقعد مع بعض ما بيحسسني أبداً بشي وما بيعاملي ع اني غاي .. وانا بحب هالنظافة بالتعامل .. ويللي هي نادرة ..
كمان عابد مبدع أدبياً .. بس حاد الطبع .. وهاي نقطة ضعف عندو .. بينفعل بسرعة .. وبيكفي لا ننفشلو راسو اكتر من هيك

MadMax سامر .. للصراحة ما صار حكي كتير بيني وبينو .. بس مع هيك بعزو كتير .. مهضوم وبيعاملني بلطف .. بعتقد إذا صار مشرف رح يكون ناجح كتير إشرافياً ..

وائل76 ما بعرفو أبداً والله

مسطول ع طول ما بعرفو كمان

شامي من طوكيو مين هاد

أمرأة من ورق سكرة .. مثقفة وراكزة كتيير .. ما كتير دردشنا م بعض .. بس مع هيك من دردشة وحدة حكيتلا كل شي .. يمكن لأن ارتحتلها وكمان لأن ما بتفصح عن كل شي عندا متلي .. دفاعا الاجتماعي عن القضايا يللي بتأمن فيا بيعجبوني وكتير كتير بتفق معا فيون .. كمان وقفت معي وحملت عبئ عني بدفاعا عن المثلية وكمان وقفت معي شخصياً ..

Roaa رؤى مهضومة كتير وبتشارك بتشارك وفجأة بتقطع بلا ولا سبب .. رسماتا كتير عجبوني وبتمنى تطور حالا اكتر واكتر وتطلع من التخلف العايشة فيه لتقدر تتميز بكل المجالات ..

مايا* ما بعرفا كتير بس بنت رايقة بتحب الرومانس بحس ..

لبندا مين لبندا هاي .. انا بعرف وحدة اسما ليندا و لبندا .. ع كلن إذا ليندا فـ كمان ما بعرفا منيح بس كمان بتشبه مايا* أنو رايقة وبتحب الرومانس ومثقفة .. واول ما فتت كان ع الاخوية كان خربط بينا وبين مايا .. بعدين قدرت أفرّق بينون .. ع كلن ليندا من الناس يللي بحب اتعرف عليون كتير ..

fofo besset syria فوفية .. صديقة ريم .. شو بدها تكون عجب .. بنت مضهومة وحبابة وطيوبة و و و .. بس مع هيك ما بعرفا كتير .. بتذكرني كتير .. وكتير وقفت معي وساندتني بمحناتي النفسية .. ما بنسالها ياهون ..

Abu Guzef علاء المزنوق .. علاء لفترة كنت بكرهو كتير .. بس بعدين دخل بقلبي .. هو قلبو طيب كتير .. يعني مانو لئيم .. بس بيخبص احياناً تخبيصات خرندعية .. تفكيرو الديني بيعجبني لأن مافي تفكير ديني أصلاً متلي يعني .. بس في شغلة مو منيحة بعلاء انو شوي مغرور .. لو قدر يتغلب ع هالشغلة بيصير مافي منو ابداً وبيصير قنبلة الموسم ..

الموسيقار حمودة .. مهضوم وزير النساء .. ما كتير حكينا مع بعض .. ما بعرف ليش .. رغم انو شفتو شخصياً بس كنا مع ناس تانيين وما صار شي نحكي فيه .. المهم الشب رايق ..

فاوست ما بعرف عنو شي .. بس طريقتو بالتعبير كتير هجومية .. هو معارض بس معارض غير مسالم .. ما عندو استراتيجية بالطرح .. ع كلن الشب افكارو بتفق وما بتفق معو فيا ..

ظل جيفارا ما صار بيناتنا حكي .. بس شب حباب ومحبوب .. مثقف بس بيدخل حالو بمواضيع مصدية شوي .. متل عصابات ومدري شو فـ ما بتتناسب مع ثقافتو ..

ملاك السعودية للصراحة قلبا طيب هالبنت .. رغم الهجوم يللي بيهجموه الاعضاء عليا منيح منها انها تحملت .. بحترما لأن بتدافع عن بلدها بشتى الوسائل .. بغض النظر عن بلدا شو هي بس هي وطنية ..

محمد السعودي هههه محمد هو اول شخص انا اعلق معو وازعجو بأرادتي .. محمد لما فات من اول 3 تيام نزّل 50 موضوع تقريباً .. فـ انا حسيت انو خربت الاخوية .. بالاضافة لأنو مواضيعو اغلبها بغير اقسامها ومكررة وملطوشة وحالة .. فـ انا قعدت حاول فهمو أنو كتير مواضيع مو منيح وبتضيع الطاسة .. بس ما عجبو اخونا الحكي وتهجم علي وع اهلي وحكي من تحت الزنار .. رجع واعتذر بس بعد شو .. ع كلن الله يسامح

التقرير الجوال ما بعرفو ابداً .. بس قريتلو كم مرة .. الشب منفتح ع الاخرين

secular سابقا حقود ديني .. ما بعرف ليش كل هالقد بيحمل الدين ع قلبو .. يا خيو ما عجبك دين تصطفل أنت ضل على دينك مو ضروري تنقض دين غيرك ..

Nirvana ما بعرفا كتير .. بس هي كاتبة ممتازة .. يمكن بحكم شغلها .. بس كتير بحترما ومالي شي عليها

Raw راغب .. غريب شوي هالشب .. كلامو شوي ملغّم .. بس هو حباب كتير ومزوق ومرتب كتييير .. ع العين أحلى أدلبي

طفوله اسما كتير حلو .. مرتبة البنت والها فنّات معينة بالكتابة .. ما حكينا انا وهي .. بس بشكل عام شخصية قوية ..

Marwa مروى بقا هاي كتير بحترما وبحبا .. بالرغم من أنها دينية كتير وانا ما بفضل هالنوع من العالم .. بس هي فهمانة دينها مزبوط ومانها معقدتو .. منفتحة كتير وانسانية وطيوبة .. اكتر من مرة طلبت ايدها لأتزوجها بس ما مشي الحال للأسف ..

يمان يمون مهضووووووووم كتير .. بيفرطي ضحك لما بحكي معو .. لجوج كتير ولو الواحد حكا معو 10 ساعات ما بيمل .. كنت بتمنى شوف حدا اسرع مني بالكتابة ع الكيبورد وطلع يمان اسرع مني ..
بشكل عام بحبو لـ يمان ..

was616im وسيم قلبو كتير طيب .. حومصي شو بدو يكون .. محبوب كتير وشكلو بيحب الدبكة كتير .. بس وسيم بينضحك عليه بسرعة و كمان بيأخد كتير دور التابع لشخص أخر .. يعني ما بيعملو شخصية مستقلة خاصة فيه .. بتمنى يستقل ما يتبع حدا ..

ماتيا ما بعرفا كتير .. بس يعني بنت مسالمة .. مرتبة ..

Sandra ما بعرفا ابداً

cuty هون حطنا الجمّال .. ايلا اقرب شخص علي بأخوية كلها .. بحبها كتير كتير كتير ومن كل قلبي .. أمينة سرّي .. بتعرف كل شي عني .. وبحكيلا كل مستجداتي النفسية والعاطفية والدراسية والعائلية .. كتير قريبة علي وبتفهمني ع الطاير .. مهضومة وبتضحكني كتير كمان .. ايلا الميموري يللي بخزن فيها حياتي لـ ما تتراكم ع قلبي .. بحبا مو بأيدي بحبا ايلااااااا بحبك





وخلصنا هيك بقا تعبتوني كتير هيك .. تضرب هيك مقلاية وساعة يللي قبل من ريم خانم انو اقبل المقلاية