بيوم غريب
يمكن غير العادة أو انا غيرت العادة
مع اني ما بحب التغيير
رغم اني بحب الشي الجديد و المفاجأت
بس التغيير عندي بيشبه لحد كبير بسرقة احد اغلى اشيائي
هاد يوم غريب
يمكن قلبي عم يهديني اشياء غريبة بدون ما يسرق مني الحلا
لأنو الحلا مرتبط فيني
مرتبط بالحب يلي صار بالنسبة لألي متل الهاجس يلي بهدس فيه
بيقظتي ومنامي
رغم انو الحب بعيد عني كل البعد
هاد يوم غريب
الجنينة مو متل العادة لمحت فيها وردة بيضا
عم تستنا حدا يقطفها
ولما مر من جنبها شب خافت وبعدت عنو
ودبلت بعدين لأنها اكتشفت انو ها الشب ماكان بدو يقطفها
بس هي اسائت الظن وحبيت الدلال
مسكينة ها الوردة زعلت عليها
بس ليش لأزعل عليها اذا كان في كتير متلا عم يتوجعو
رغم انو وجعها شوي خاص ذو نكهة ووجعها مابوجع
لأنو ريحتو طيبة والورد الأبيض كتير حلو بالنهاية
بذكرني بفستان العرس
يلي بيحمل معو كل الحب و الأمل
بيحمل معو كل الغلا و الحلا
بيحمل معو عبق الأنوثة
بيحمل معو كل الدلال يلي بحلم فيه
خسارة ها الوردة البيضا
رغم أنها كل الغلا
لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
|