اقتباس:
|
بلشو المشرفين يلحنوا لبعضون
|
هق،
بس المشرفين بحكم عم يشتغلو انطلاقا من نفس المبادئ والأسس ، ووفق نفس الخطوط العريضة ، فغالبا بتجي تصرفاتهم وردات فعلهم متناغمة و متناسقة ، (مش غير لأنو هني عم يشتغلو من نفس المنطلقات، طبعا هامش النسبية بفهم الأمور، وهامش النظر للأمور من زوايا مختلفة موجود ..)
اقتباس:
|
أختلفوا المشرفين مع بعضون ...
|
ماهو انا بزماني اختلفت مع الماما بخصوص حط الشوك قبل السكاكين ولا السيكاكين قبل الشوك ، وبعدين اتفقنا نحط المعالق اول شي
يابا الواحد مع اهلو بيختلف اوقات (واذا بدك بيختلف دائما .. ) ليش المشرفين تحديدا ، دون عن خلق الله ، لازم يمشو على العجين ما يلخبطوه ،..
ويفضلو عم يرقصو على نفس الدلعونة و يطجو رجلون كلون سوا مع بعض بنفس الطجّة ، والي ماسك على الأول يلولح بالمسبحة ويهز كتافو، والي الماسك على التاني يطيبلو، والي على التالت تخلع !!
يا اخي في مشرفين بيحبو السلو، وتانيين بيحبو الفالس، وتانينين من جماعة التانغو ،
صدق.. بعرفلك مشرف بيرقص بريك دانس على بحرية البجع !
.. الصبايا على روس اصابيعون وعلى باليه يا حبيب وهوي عم بيفتل بالأرض على راصو وكعابو .. وعلى تخميس يا معلم ، (الله وكيلك ما عم زل عليك بحرف
)
تسالي الشباب مو ..
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !